బాబు గారు ఏంటీ ఈ చిల్లర స్కిట్స్‌

మెగా బ్రదర్‌ నాగబాబు ఆమద్య బాలకృష్ణ వ్యాఖ్యలకు కామెంట్స్‌ చేయడంను మెగా ఫ్యాన్స్‌ తో పాటు అంతా సమర్థించారు. అయితే పొలిటికల్‌ ఫన్నీ కామెంట్స్‌ అంటూ మై ఛానెల్‌ నా ఇష్టం అంటూ యూట్యూబ్‌ లో నాగబాబు తెగ హడావుడి చేస్తున్నాడు. వరుసగా గతంలో జగన్‌ - లోకేష్‌ - చంద్రబాబు చేసిన వ్యాఖ్యలను తీసుకుని ఫన్నీగా కామెంట్స్‌ చేస్తూ వచ్చాడు. తాజాగా నాగబాబు మరో వీడియోను వదిలాడు. ఆ వీడియోలో కాస్త విభిన్నంగా కామెడీ స్కిట్‌ ను చేశాడు.

జబర్దస్త్‌ వాళ్లం కదా కాస్త కామెడీ స్కిట్‌ చేద్దాం అంటూ కామెడీ చేయబోయాడు. అధికార పార్టీ, ప్రతిపక్ష పార్టీ అంటూ ఇద్దరు కూర్చున్నారు. వారిద్దరినని కూడా అవినీతిపై వ్యాసం రాయమంటూ చిన్న పరీక్ష పెట్టాడు. ఆ పరీక్షలో అవినీతిపై ఇద్దరు కూడా తెగ రాస్తూ ఉంటారు. ఎడిషనల్స్‌ పై ఎడిషనల్స్‌ అడుగుతూ ఉంటారు. ఈ మొత్తంను ఫన్నీగా నాగబాబు చూపించే ప్రయత్నం చేశాడు. కాని ఆయన ప్రయత్నం ఆకట్టుకోక పోగా, చిల్లరగా అనిపించింది.

నాగబాబు పొలిటికల్‌ పంచ్‌ లు అంటూ మరీ ఇలా చిల్లరగా వీడియోలు చేస్తున్నాడేంటి అంటూ విమర్శలు వ్యక్తం అవుతున్నాయి. గతంలో నాయకుల వ్యాఖ్యలు తీసుకుని కామెంట్స్‌ చేయడం కాస్త పర్వాలేదు కాని, మరీ ఇలా స్కిట్‌ లు చేయడం ఎందుకు బాబు గారు అంటూ కొందరు మెగా ఫ్యాన్స్‌ కూడా ఒకింత అసహనం వ్యక్తం చేస్తున్నారు. సోషల్‌ మీడియాలో నాగబాబు చేసిన స్కిట్‌ పై జోరుగా ఫన్నీ కామెంట్స్‌ వస్తున్నాయి. నాగబాబు ముందు ముందు మరెన్ని కళాకండాలను వదులుతాడోనంటూ కొందరు కామెడీగా పంచ్‌ లు వేస్తున్నారు.