శైలజారెడ్డి అల్లుడు రిలీజ్ డేట్ ఫిక్స్?

నాగ చైతన్య హీరోగా మారుతీ దర్శకత్వంలో సితార ఎంటర్ టైన్ మెంట్ సంస్థ రూపొందిస్తున్న శైలజారెడ్డి అల్లుడు షూటింగ్ బ్రేకులు లేకుండా సాగుతోంది. పక్కా ప్లానింగ్ తో అనుకున్న బడ్జెట్ లోనే పూర్తి చేస్తాడని పేరున్న మారుతి దానికి తగ్గట్టీ ఈ సినిమాను కూడా ఫినిష్ చేస్తున్నట్టు సమాచారం. విశ్వసనీయ సమాచారం ప్రకారం శైలజారెడ్డి అల్లుడు రిలీజ్ డేట్ ని ఆగస్టు 31 లాక్ చేసినట్టు తెలిసింది. ఈ నెల చివరి వారానికి షూటింగ్ దాదాపు పూర్తయిపోతుందని మిగిలిన బాలన్స్ తో పాటు పోస్ట్ ప్రొడక్షన్ కోసం నాలుగు వారాల సమయం చేతిలో ఉంటుంది కాబట్టి ఆ మేరకు నిర్ణయం తీసుకున్నారని  సమాచారం.

అను ఇమ్మానియేల్ హీరోయిన్ గా నటిస్తున్న ఈ మూవీపై ఫాన్స్ లో భారీ అంచనాలు ఉన్నాయి. అల్లుడు-బుల్లోడు అనే ట్యాగ్ ఉన్న టైటిల్స్ నాగ్ కు బాగా కలిసి వచ్చాయి. అప్పట్లో చేసిన అల్లరి అల్లుడు తరహాలోనే శైలజా రెడ్డి అల్లుడు ఫుల్ ఫామిలీ మసాలాతో అందరిని అలరించేలా ఉంటుందని ఆశిస్తున్నారు. కూల్ ఎంటర్ టైనర్స్ తో సక్సెస్ ట్రాక్ మీద దూసుకుపోతున్న మారుతీ దీన్ని కూడా తనదైన ట్రేడ్ మార్క్ కామెడీతో రూపొందిస్తున్నట్టు తెలిసింది. థమన్ ఇచ్చిన ట్యూన్స్ కూడా ప్లస్ కానున్నాయి. అల్లరి అల్లుడులో  నాగ్ రమ్యకృష్ణతో  కలిసి చేసిన స్పెషల్ సాంగ్ నిన్ను రోడ్డు మీద చూసినది పాటను దీని కోసం తమన్నాతో కలిసి రీ షూట్ చేయబోతున్నారనే వార్త ఫాన్స్ ని ఇప్పటికే ఊరిస్తోంది. ఇంకా షూట్ జరగాల్సి ఉంది.

ఇన్ సైడ్ టాక్ ప్రకారం చైతు ఇందులో టాక్సీ డ్రైవర్ గా కనిపిస్తాడని తెలిసింది. రాత్రి వేళ పార్ట్ టైం డిటెక్టివ్  గా ఉంటూ   అను ఇమ్మానియల్  కోసం ఒక ప్రత్యేకమైన మిషన్ మీద ఉంటాడట. అది ఏంటి   చైతుకు అత్త శైలజారెడ్డికి కనెక్షన్ ఏంటి అనేది ఆగస్ట్ లోనే తెలుస్తుంది. ప్రస్తుతానికి ఆ డేట్ ని ఎవరూ లాక్ చేసుకోలేదు కాబట్టి చైతుకి ఆగస్ట్ 31 రిజర్వ్ అయినట్టే. ఈ ఏడాది సోలో హీరోగా నాగ చైతన్య సినిమా ఏది విడుదల కాలేదు. ఇటీవలే లీక్ అయిన శైలజా రెడ్డి అల్లుడు ఫస్ట్ లుక్ ఒరిజినల్ కాదని మారుతీ  క్లారిటీ ఇచ్చిన సంగతి తెలిసిందే. అఫీషియల్ డేట్ ని త్వరలోనే ఫిక్స్ చేయబోతున్నారు.