దేవా స్కూటీపై రొమాన్సేంటి?

ఈరోజు ఉద‌య‌మే చాలా కాలం త‌ర్వాత ఒక అంద‌మైన అమ్మాయితో రొమాన్స్ చేస్తున్నా! అంటూ ఎంతో సంబ‌రంగా చెప్పుకున్నాడు దేవా అలియాస్ నాగార్జున‌. ఇంత అంద‌మైన అమ్మాయి వేరొక‌రు ఇల‌లో లేరు సుమీ అని సంతోషం వ్య‌క్తం చేశారు. అందుకు ప్ర‌తిగా అనుష్క ను మించిన అంద‌గ‌త్తెనా? అంటూ అభిమానులు సెటైర్లు వేశారు. అదంతా స‌రే.. ఉన్న‌ట్టుండి ఆ అంద‌గ‌త్తెతో ఇలా ప‌బ్లిగ్గా రొమాన్స్ చేస్తూ నాగ్ దొరికిపోయాడు.

స్కూటీపై స‌ద‌రు అంద‌గ‌త్తె ఆకాంక్ష‌తో ర‌య్ మ‌ని షికారు వెళుతున్నాడు. అంతేనా అలా త‌న‌ని హ‌త్తుకుపోతూ ఎంత ఇదిగా రొమాన్స్ చేస్తున్నాడో. ఇలాంటి ఛాన్స్ అంద‌రికీ దొర‌క‌దు గురూ! ఇక‌పోతే దేవ‌దాస్ సినిమా ఆడియా పార్టీ (లాంఛ్) సెప్టెంబ‌ర్ 20న జ‌ర‌గ‌నుంద‌ని టీమ్ ప్ర‌క‌టించింది. హైద‌రాబాద్ లో ఈ ఈవెంట్ ను భారీగా ప్లాన్ చేస్తున్నామ‌ని తెలిపారు. మ‌ణిశ‌ర్మ సంగీతం అందిస్తున్న ఈ చిత్రంలోని పాట‌లు ఇప్ప‌టికే అద్భుత‌మైన స్పంద‌న అందుకుంటున్నాయి. ప్ర‌త్యేకంగా వినాయ‌క‌చ‌వితి నాడు విడుద‌లైన ల‌క ల‌క లంకుమిక‌రా పాట‌కు స్పందన  అద్భుతం.

మ‌రోవైపు నాని-  ర‌ష్మిక మంద‌న్న జంట ఫోటోని రివీల్ చేశారు. ఆ ఇద్ద‌రి మ‌ధ్యా ఏదో సంథింగ్ అన్న చందం అర్థ‌మ‌వుతూనే ఉంది. శ్రీ‌రామ్ ఆదిత్య తెర‌కెక్కిస్తున్న ఈ భారీ మ‌ల్టీస్టార‌ర్ లో న‌రేష్ వికే - రావు ర‌మేష్ - వెన్నెల కిషోర్ - అవ‌స‌రాల శ్రీ‌నివాస్ త‌దిత‌రులు న‌టిస్తున్నారు. వ‌యాక‌మ్ 18 వ‌చ్చి -వైజ‌యంతి మూవీస్ సంయుక్తంగా నిర్మిస్తున్న చిత్ర‌మిది. సెప్టెంబ‌ర్ 27న ప్ర‌పంచ వ్యాప్తంగా విడుద‌ల కానుంది.