ప్రేమమ్ హీరోయిన్ తో నాని

తెలుగులో ఏడాదికి నాలుగు సినిమాలు తీసి ఆ నాలుగు హిట్ కొట్టిన హీరో ఎవరు అంటే అందరికి నానినే గుర్తుకు వస్తాడు. ఈ ఏడాది కూడా మొత్తం షూటింగ్లుతో బిజీగా ఉన్నాడు నాని. నేను లోకల్ - నిన్నుకోరి సినిమాలుతో మంచి విజయం అందుకున్న నాని ఇప్పుడు మరో చక్కటి ప్రేమ కథ చెప్పడానికి సిద్దపడ్డాడు. మేర్లపాక గాంధీ డైరెక్ట్ చేయబోతున్నఈ కొత్త సినిమా షూటింగ్ త్వరలో మొదలుకాబోతుంది.

ఈ కొత్త ప్రేమ కథలో చేయబోయే హీరోయిన్ కొత్తగా ఉండాలి నటన కూడా బాగా చేయగలిగి ఉండాలట. త్రివిక్రమ్ ‘అ ఆ’ సినిమాతో మంచి గుర్తింపు పొందిన ప్రేమమ్ హీరోయిన్ అనుపమా పరమేశ్వరన్ ఇప్పుడు మన తెలుగులో బిజీ హీరోయిన్ గా మారింది. డైరెక్టర్ గాంధీ హీరో నాని ఈమె ముందు సినిమాలు చూసి ఆమె నటనకు ఫిదా అయి ఈ సినిమాలో తీసుకున్నారు అని తెలుస్తుంది. తెలుగులో అనుపమా పరమేశ్వరన్ ఇప్పటి వరకు చేసిన సినిమాలు అన్నింటిలో పద్దతిగా ఒక సాదా అమ్మాయిగా కనిపించింది. ఈ సినిమాలో తన పాత్ర కూడా అలానే ఉంటూ కొంచెం  కొత్తగా ఉంటుంది అని చెబుతున్నారు నాని కొత్త సినిమా టీమ్. తన క్యూట్ నటనకు కొత్త రూపం వస్తుంది అని చెబుతున్నారు డైరెక్టర్ మేర్లపాక గాంధీ.

అనుపమా ఇప్పుడు సౌత్ సినిమాలలో ఒకానొక బిజీ హీరోయిన్ గా మారింది. తమిళ్ లో కూడా వరుసుగా సినిమాలు హిట్ కొట్టింది. ఇప్పుడు ఈ నాని సినిమా కాకుండా హీరో రామ్ పోతినేని నటిస్తున్న ‘ఉన్నది ఒకటే జిందగీ’ లో కూడా అనుపమ హీరోయిన్ గా చేస్తుంది. ఈ నాని సినిమా కోసం ఈ ఫిల్మ్ యూనిట్ అంతా మొదటి షూటింగ్ షెడ్యూల్ కోసం యూరోప్ బయలుదేరటానికి సిద్దంగా అవుతున్నారు.