హీరోయిన్ తెగేసి చెప్పాక చేసేదేం లేక నాని ప్యాక‌ప్?

న‌జ్రియా న‌జీమ్- ఫ‌హ‌ద్ ఫాజిల్ జంట గురించి ప‌రిచ‌యం అవ‌స‌రం లేదు. మాలీవుడ్ హిట్ పెయిర్ గా భార్యాభ‌ర్త‌లుగా సుపరిచితం. ఇప్ప‌టికే ఈ జంట‌ సోష‌ల్ మీడియాల్లో అసాధార‌ణ ఫాలోయింగ్ ని క‌లిగి ఉన్నారు. ప్ర‌స్తుతం ఫ‌హద్  `పుష్ప` చిత్రంతో టాలీవుడ్ లో విల‌న్ గా ప‌రిచ‌యం అవుతున్నారు. అదే స‌మ‌యంలో న‌జ్రియా త‌న తొలి తెలుగు చిత్రం `అంటే సుంద‌రానికీ`లో న‌టిస్తున్నారు.

తాజా స‌మాచారం మేర‌కు హైదరాబాద్ లో కోవిడ్ విల‌యం కొన‌సాగుతున్న నేపథ్యంలో న‌జ్రియా తాను షూట్ కి హాజ‌రు కాలేనని ఖ‌రాకండిగా చెప్పేసార‌ట‌. దీంతో మైత్రి బృందం కొద్దిరోజుల పాటు షూటింగ్ కి బ్రేక్ ఇవ్వాల‌ని భావించార‌ట‌. మొత్తానికి నానీ స్పీడ్ కి అలా న‌జ్రియా బ్రేకులు వేశారంటూ గుస‌గుస‌లు వినిపిస్తున్నాయి. క‌రోనా క‌ల్లోలం ఎలా ఉన్నా కానీ దేనినీ కేర్ చేయ‌క టాలీవుడ్ లో షూటింగులు సాగిస్తుండ‌డం ఆశ్చ‌ర్య‌ప‌రిచేదే. క‌రోనా స‌హ‌జీవ‌నం త‌ప్ప‌ద‌న్న ప‌ట్టుద‌ల‌తోనే కొంద‌రు ఇంకా సెట్స్ లో ఉన్నార‌ని తాజా ప‌రిణామం చెబుతోంది.

ప‌లువురు స్టార్లు ముందు జాగ్ర‌త్త‌గా షూటింగుల‌కు బ్రేక్ ఇచ్చేయ‌గా నాని.. బ‌న్ని లాంటి స్టార్లు మాత్రం షూటింగుల‌తో బిజీగా ఉన్నారు. ఇక న‌జ్రియా - ఫ‌హ‌ద్ జంట మాలీవుడ్ లో మోస్ట్ స‌క్సెస్ ఫుల్ పెయిర్ గా వెలిగిపోతున్న సంగ‌తి తెలిసిందే. భార్యాభర్తలు ఇద్ద‌రూ ఒకేసారి తెలుగు ఇండ‌స్ట్రీలో సందడి చేయాల‌నుకోవ‌డం ఆస‌క్తిని క‌లిగిస్తోంది. ప్ర‌స్తుతం అంటే సుంద‌రానికీ ప్యాక‌ప్ చెప్పాక న‌జ్రియా త‌న భ‌ర్త ఫ‌హ‌ద్ తో క‌లిసి చెన్న‌య్ కి వెళ్లార‌ని తెలుస్తోంది. హైద‌రాబాద్ లో షూటింగ్ స‌మయంలో మేక‌ప్ సెష‌న్స్ లో ఉన్న న‌జ్రియా ఫోటో ఒక‌టి అంత‌ర్జాలంలో వైర‌ల్ అవుతోంది.