ఉప్పెనకు ముందే 'హీరో'.. వైష్ణవ్‌ గురించి నిహారిక

మెగా ఫ్యామిలీ నుండి ఉప్పెన సినిమా తో హీరోగా ఈ ఏడాది తెలుగు ప్రేక్షకులకు వైష్ణవ్‌ తేజ్‌ పరిచయం అయ్యాడు. మొదటి సినిమా తోనే వంద కోట్ల క్లబ్ లో నిలిచిన లక్కీ హీరోగా వైష్ణవ్‌ తేజ్ నిలిచాడు. ప్రస్తుతం వైష్ణవ్ రెండు సినిమా లు విడుదలకు సిద్దం అవుతున్నాడు. ఇప్పటికే క్రిష్‌ దర్శకత్వంలో రూపొందిన సినిమా షూటింగ్‌ పూర్తి అవ్వగా గిరీషయ్య మూవీ షూటింగ్‌ జరుగుతోంది. ఇక మెగా హీరో గురించి కజిన్‌ నిహారిక ఇంట్రెస్టింగ్‌ కామెంట్స్ చేయడంతో సోషల్‌ మీడియాలో వైరల్ అయ్యింది. నిహారిక రెగ్యులర్‌ గా సోషల్‌ మీడియాలో అభిమానులతో చిట్ చాట్‌ చేస్తూ ఉంటుంది. ఇటీవల ఆస్క్ మీ ఎనీథింగ్ అంటూ లైవ్‌ ఛాట్ సెషన్‌ ను ఆమె చేసింది.

ఆ లైవ్‌ చాట్ లో ఆమెను చిత్ర విచిత్రమైన ప్రశ్నలు అడిగారు. ఒక నెటిజన్‌ మీ ఫోన్‌ లో వైష్ణవ్‌ తేజ్‌ ఫోన్‌ నెంబర్ ను ఎలా సేవ్ చేశారు అంటూ ప్రశ్నించాడు. ఆ ప్రశ్నకు నిహారిక సమాధానం అందరి దృష్టిని ఆకర్షించింది. నిహారిక ఫోన్‌ లో వైష్ణవ్ తేజ్ కాంటాక్ట్‌ హీరో బాబు అంటూ ఉంటుంది. దాన్ని స్ర్కీన్ షాట్ షేర్‌ చేయడంతో పాటు నేను ఈ కాంటాక్ట్‌ ను ఉప్పెన సినిమాకు ముందే సేవ్‌ చేసినట్లుగా కూడా చెప్పింది. అంటే ఉప్పెన సినిమా కంటే ముందే చాలా ఏళ్ల క్రితం నుండే వైష్ణవ్‌ ను హీరో బాబు అంటూ నిహారిక పిలుస్తూ ఉండేది. తన కజిన్స్ అందరికి కూడా నిక్ నేమ్స్ పెట్టి పిలిచే అలవాటు ఈమెకు ఉంది. అందులో భాగంగా వైష్ణవ్‌ కు హీరో బాబు అంటూ పేరు పెట్టింది.

నిహా పేరు పెట్టినట్లుగానే ఇప్పుడు వైష్ణవ్‌ హీరో అయ్యాడు. మెగా కజిన్స్‌ రెగ్యులర్‌ గా సోషల్‌ మీడియా ద్వారా లేదా మరేదైనా మార్గం ద్వారా కలుస్తూనే ఉంటారు. సినిమాలతో బిజీ గా ఉన్నా కూడా ఈ మెగా కజిన్స్ రెగ్యులర్‌ గా కలుస్తూనే ఉంటారు. అందుకు సంబంధించిన ఫొటోలు వీడియోలు నెట్టింట మెగా ఫ్యాన్స్ తో షేర్‌ చేసుకుంటూ ఉంటారు.