పవన్ తర్వాత నితిన్ ఎవరితో అంటే..

‘అఆ’ తర్వాత ఆరు నెలలకు పైగా గ్యాప్ తీసుకుని ఒకేసారి రెండు కొత్త సినిమాలకు గ్రీన్ సిగ్నల్ ఇచ్చాడు నితిన్. ఆ రెండూ కూడా ఇంట్రెస్టింగ్ ప్రాజెక్టులే. 14 రీల్స్ వాళ్లతో హను రాఘవపూడి దర్శకత్వంలో ఒక సినిమా ఒక షెడ్యూల్ కూడా పూర్తి చేసుకోగా.. లిరిసిస్ట్ టర్న్డ్ డైరెక్టర్ కృష్ణచైతన్య దర్శకత్వంలో తెరకెక్కుతున్న ‘లై’ కూడా ఈ మధ్యే మొదలైంది. ఈ చిత్రానికి పవన్ కళ్యాణ్.. త్రివిక్రమ్ నిర్మాతలన్న సంగతి తెలిసిందే. దీని తర్వాత నితిన్ చేయబోయే సినిమా కూడా ఖరారైపోవడం విశేషం. గత ఏడాది ‘మీలో ఎవరు’ కోటీశ్వరుడు’ సినిమాను నిర్మించిన కె.కె.రాధామోహన్ తో నితిన్ చేయబోతున్నాడు.

సంపత్ నంది ‘ఏమైంది ఈవేళ’తో నిర్మాతగా పరిచయమైన రాధామోహన్.. ఆ తర్వాత అదే దర్శకుడితో ‘బెంగాల్ టైగర్’ లాంటి భారీ చిత్రాన్ని నిర్మించాడు. ఆ రెండు సినిమాలూ ఆయనకు మంచి ఫలితాన్నే ఇచ్చాయి కానీ.. ‘మీలో ఎవరు కోటీశ్వరుడు’ మాత్రం తేడా కొట్టేసింది. రాధామోహన్ ఈసారి కొంచెం పెద్ద స్థాయి సినిమానే చేయాలనుకుని నితిన్ ను లైన్లో పెట్టాడు. ఆల్రెడీ ఈ చిత్రానికి స్క్రిప్ట్ వర్క్ జరుగుతోందట. దర్శకుడు ఎవరన్నది ఇంకా వెల్లడి కాలేదు. బహుశా ఇది ఓ కొత్త దర్శకుడితో చేయబోయే సినిమా కావచ్చు. త్వరలోనే ఈ సినిమాకు సంబంధించిన ప్రకటన వస్తుంది. మొత్తానికి ఈ ఏడాదే నితిన్ మూడు సినిమాలు పూర్తి చేసేసేలా కనిపిస్తున్నాడు.

Like Us on Facebook : https://www.facebook.com/Tupakidotcom/