ఆ సినిమాలో కూడా పూజతోనే పూజ

ముకుంద సినిమాతో తెలుగు తెరకు పరిచయం అయిన యాడ్స్ బ్యూటీ పూజా హేగ్దే మొన్నటి వరకు కొంచెం తక్కువగానే అవకాశాలు దక్కినా ఈ మధ్య కొన్ని భారీ బడ్జెట్ సినిమాలను అందుకుంటోంది. ఇప్పటికే బెల్లం కొండ హీరోతో సాక్ష్యం అనే సినిమాలో నటిస్తోన్న సంగతి తెలిసిందే. అంతే కాకుండా మహేష్‌ అండ్ వంశీ పైడిపల్లి సినిమాలో కూడా సలెక్ట్ అయ్యింది. ఆ సినిమా దిల్ రాజు ప్రొడక్షన్ లో తెరకెక్కనుంది. ఇకపోతే ఇప్పుడు మరో మూవీ కూడా ఈమె ఖాతాలో పడినట్లు టాక్.

నిజానికి దిల్ రాజు ప్రొడక్షన్ లో దువ్వాడ జగన్నాథమ్ సినిమాలో పూజా నటించిన సంగతి తెలిసిందే. ఇక మూడవసారి కూడా అమ్మడు అదే ప్రొడక్షన్ లో సలెక్ట్ అయ్యింది. శతమానం భవతి ఫేం సతీష్‌ వేగేశ్న దర్శకత్వంలో నితిన్ హీరోగా ఒక సినిమా తెరకెక్కనుంది.  అయితే మొన్నటి వరకు సినిమాలో హీరోయిన్ ఎవరు అనే విషయంపై అనేక రూమర్స్ వచ్చాయి. పూజ హేగ్దే పేరు వినిపించింది కానీ అధికారికంగా ఎవరు ప్రకటించకపోవడంతో రూమర్ అని అంతా అనుకున్నారు. కానీ రీసెంట్ గా దర్శకుడు నిర్మాతలు సినిమాలో క్యారెక్టర్ కి కరెక్ట్ గా ఆమెనే సెట్ అవుతుందని చర్చించుకొని ఫైనల్ చేశారట. పూజ డేట్స్ కూడా ఫైనల్ అయిపోయాయని తెలుస్తోంది. అయితే ఈ సినిమాలో మరో హీరోయిన్ కూడా కనిపించనుంది.

ప్రస్తుతం దర్శకుడు సతీష్‌ వేగేశ్న స్క్రిప్ట్ పనులను మొత్తం ముగించుకున్నాడు. ఫైనల్ గా దిల్ రాజు షూటింగ్ కు గ్రీన్ సిగ్నల్ ఇస్తే సినిమా సెట్స్ పైకి వెళుతుంది. 2018 చివర్లోనే ఆ సినిమాను రిలీజ్ చేయాలనీ అనుకుంటున్నట్లు సమాచారం.