ప్లీజ్‌.. స్పందించండి మహేష్‌

దసరా కానుకగా గత గురువారం ప్రేక్షకుల ముందుకు వచ్చిన ‘అరవింద సమేత’ చిత్రంకు మంచి వసూళ్లు నమోదవుతున్నాయి. తెలుగు రాష్ట్రాల్లో ఈ చిత్రం పలు రికార్డులను సాధిస్తోంది. ఓవర్సీస్‌ లో కాస్త నెమ్మదిగా ఉన్నా కూడా ఎన్టీఆర్‌ కెరీర్‌ బెస్ట్‌ అక్కడ కూడా నమోదు అవ్వడం ఖాయంగా కనిపిస్తుంది. హిట్‌ టాక్‌ తో మొదలైన ఈ చిత్రంపై సినీ ప్రముఖులు పాజిటివ్‌ గా రియాక్ట్‌ అయిన నేపథ్యంలో సూపర్‌ హిట్‌ - బ్లాక్‌ బస్టర్‌ హిట్‌ గా దూసుకు పోతుంది. ఈ సమయంలోనే నందమూరి ఫ్యాన్స్‌ ఈ చిత్రం గురించి మహేష్‌ బాబు రియాక్ట్‌ అవ్వాలంటూ కోరుతున్నారు.

ఈమద్య కాలంలో మహేష్‌బాబు - చరణ్‌ - ఎన్టీఆర్‌ లు పలు సందర్బాల్లో కలిసిన విషయం తెల్సిందే. ఈముగ్గురి మద్య మంచి వాతావరణం నెలకొంది. అందుకే ఇప్పటికే అరవింద సమేత చిత్రం గురించి రామ్‌ చరణ్‌ స్పందించి, ఎన్టీఆర్‌ అభిమానులను ఖుషీ చేశాడు. కాని మహేష్‌ బాబు మాత్రం బిజీ షెడ్యూల్స్‌ కారణంగా ట్విట్టర్‌ కు దూరంగా ఉంటున్నాడు. అరవింద సమేత చిత్రాన్ని కూడా మహేష్‌ చూసి ఉండక పోవచ్చు అనే టాక్‌ వినిపిస్తుంది.

ఈ సమయంలోనే ఎన్టీఆర్‌ అభిమానులు కాస్త టైం తీసుకుని అరవింద సమేత చిత్రం గురించి స్పందించండి అంటూ మహేష్‌ బాబును సోషల్‌ మీడియా వేదికగా రిక్వెస్ట్‌ చేస్తున్నారు. రాజమౌళి - చరణ్‌ తో పాటు ఇంకా పలువురు ప్రముఖ దర్శకులు, ఇతర టెక్నీషియన్స్‌ ఈ చిత్రం గురించి పాజిటివ్‌ గా రెస్పాండ్‌ అయినా కూడా మహేష్‌ బాబు కూడా ఈ చిత్రం గురించి స్పందించాలని ఎన్టీఆర్‌ ఫ్యాన్స్‌ సోషల్‌ మీడియాలో పెద్ద ఎత్తున కోరుకోవడం కనిపిస్తుంది. మహేష్‌ రియాక్ట్‌ అయితే ఓవర్సీస్‌ లో మంచి కలెక్షన్స్‌ వస్తాయనేది వారి అభిప్రాయం. ఎన్టీఆర్‌ ఫ్యాన్స్‌ కోసమైనా మహేష్‌ రియాక్ట్‌ అయితే బాగుండు కదా..!.