#MB 27 జూలై ముహూర్తం ఫిక్స్

లాస్ట్ మినిట్ లో #MB 27 స‌స్పెన్స్ డ్రామా షాక్ కి గురి చేసిన సంగ‌తి తెలిసిందే. మ‌హ‌ర్షి లాంటి బ్లాక్ బ‌స్ట‌ర్ తెర‌కెక్కించిన వంశీ పైడిప‌ల్లి తో ఆల్మోస్ట్ ఖాయ‌మైన‌ట్టే అని ప్ర‌క‌టించాక కూడా.. మ‌హేష్ ఉన్న‌ట్టుండి చివ‌రిలో జోల్ట్ ఇవ్వ‌డాన్ని ఇప్ప‌టికీ అభిమానుల‌కు జీర్ణించుకోలేక‌పోతున్నారు. ఉన్న‌ట్టుండి ఇచ్చిన ఝ‌ల‌క్ పైడిప‌ల్లి సైతం ఊహించ‌లేదు. ఇంత‌కుముందు సుకుమార్ కి ఎలాంటి స‌మ‌స్య త‌లెత్తిందో సేమ్ టు సేమ్ అదే స‌మ‌స్య త‌లెత్తింద‌న్న టాక్ కూడా స్ప్రెడ్ అయ్యింది. అయితే దీనిని బ‌ట్టి స్క్రిప్టు విష‌యంలో సూప‌ర్ స్టార్ త‌న ప‌ర భేధం పాటించ‌రు అన్న‌ది ప్రూవ్ అయ్యింది. బౌండ్ స్క్రిప్టు విష‌యంలో మొహ‌మాటానికి తావివ్వ‌డ‌ని తేలింది.

అయితే పైడిప‌ల్లిని కాద‌ని ప‌ర‌శురామ్ స్క్రిప్టును లాక్ చేసిన‌ట్టేనా? అంటే ... తాజా స‌మాచారం ప్ర‌కారం అవున‌నే తెలుస్తోంది. అంతే కాదు ఎంబీ 27 చిత్రాన్ని జూలైలో లాంచ్ చేయ‌నున్నార‌ని తెలుస్తోంది. స‌మ్మ‌ర్ 2021 రిలీజ్ ల‌క్ష్యంగా ఈ సినిమాని తెర‌కెక్కించ‌నున్నారు. ప‌ర‌శురామ్ ద‌ర్శ‌కుడిగా ఫైన‌ల్ అవ్వ‌గా.. మ‌దీ సినిమాటోగ్ర‌ఫర్ గా ఎంపిక‌య్యారు. గోపిసుంద‌ర్ ఈ చిత్రానికి సంగీతం అందించ‌నున్నారు. క‌థానుసారం అమెరికాలో మెజారిటీ పార్ట్ చిత్రీక‌ర‌ణ సాగ‌నుంద‌ని తెలుస్తోంది.

మైత్రి మూవీ మేక‌ర్స్ సంస్థ ఈ చిత్రం కోసం దాదాపు 70-80 కోట్లు వెచ్చించ‌నుంద‌న్న ప్ర‌చారం సాగుతోంది. అన్న‌ట్టు ఈ చిత్రాన్ని పాన్ ఇండియా కేట‌గిరీలో తెర‌కెక్కించ‌నున్నారా? అన్న‌ది తెలియాల్సి ఉంది. ఈ సినిమాతో పాటు మెగాస్టార్ చిరంజీవి క‌థానాయ‌కుడిగా న‌టిస్తున్న 152వ చిత్రం ఆచార్య‌లోనూ మ‌హేష్ ఓ కీల‌క‌ పాత్ర‌లో న‌టించ‌నున్నార‌ని తెలుస్తోంది.