ఫస్ట్ లుక్‌: జోరు మీదున్న పటేల్ సార్

తెలుగు సినిమాలో కేవలం కుటంబ కథాచిత్రాలేకే పరిమితమైన హీరోలు చాల తక్కువ. ఒకప్పుడు చాల మందే ఉండేవారు శోబనబాబు లాంటివారు. ఆ తరువాత అటువంటి హీరోగా మళ్ళీ జగపతి బాబు అనే చెప్పుకోవాలి. అలానే మొదలుపెట్టిన కెరియర్ కొన్నాళ్ళకు బెడిసి కొట్టింది దానితో తనలో వైవిధ్యం తన్నుకువచ్చింది. అలా వచ్చిన సెగ ఇప్పుడు ‘పటేల్ SIR’ వరకు పాకింది. గత కొంత కాలంగా హీరో వేషాలే కాకుండా కారెక్టర్ ఆర్టిస్ట్ గా విలన్ గా మంచి పేరు తెచ్చుకున్న జగపతి బాబు ఇప్పుడు మళ్ళీ ఒక బలమైన కథ తో బ్యాడ్ మాన్ లుక్ తో అదరగొడుతున్నాడు.

ఈ మధ్యనే ‘పటేల్ SIR’ సినిమా కూడా మొదలైంది. ఈ సినిమా కాన్సెప్ట్ ఏంటో యూట్యూబ్ లో టీజర్ కూడా విడుదల చేశారు. దానికి వచ్చిన రెస్పాన్స్ కూడా బాగానే ఉంది. ఇప్పుడు పటేల్ ఫస్ట్ లుక్ పోస్టర్ విడుదల చేశారు. రోడ్ డ్రైవ్ కి వెళ్ళిన ఈజీ రైడర్ లా బ్లాక్ బైక్ తో బ్లాక్ జాకెట్ వేసుకొని పూర్తి యాక్షన్ ఫిల్మ్ హీరోని తలపించేలా ఉన్నాడు. మీరు ఊహించలేనివాటి కోసం సిద్దంగా ఉండండి అని కూడా చెబుతుంది సినిమా పోస్టర్. ఫ్యామిలి హీరో కాస్త యాక్షన్ హీరోగా మారి కిక్ ఇచ్చే ఓల్డ్ వైన్ లా ఉండబోతున్నాడు అని టాక్.

జగపతి బాబు ఈ సినిమాలో విలన్లకు విలన్ గా కనిపిస్తాడు అని చెబుతున్నారు. ఒక మంచికి ఒక చెడుకి మధ్య పోటీ చూసి ఉంటారు కానీ ఒక చెడు కి మరో చెడుకి పోటీ మా సినిమాలో చూడండి అంటున్నారు పటేల్ సార్ సినిమా వాళ్ళు. వాసు పరిమి ఈ సినిమాను డైరక్ట్ చేస్తున్నాడు. వారాహి బేనర్ పై సాయి కొరపాటి నిర్మిస్తున్నాడు. ఇదే నెలలో పటేల్ SIR సినిమా విడుదల కానుంది.

Like Us on Facebook : https://www.facebook.com/Tupakidotcom/