అన్నయ్య కోసం పవన్‌ చేంజ్‌ చేశాడా?

ఇదో ట్విస్టు. ఏప్రియల్‌ 29న అన్నదమ్ములు ఇద్దరూ రెండు వేర్వేరు మెగా ఫంక్షన్లు కండక్ట్‌ చేస్తున్నారని ఆల్రెడీ విన్నాం. ఒక ప్రక్కన మెగాస్టార్‌ చిరంజీవి 150వ సినిమా ముహూర్తం ఈవెంట్‌ జరుగుతుంటే.. మరో ప్రక్కన తమ్ముడు పవర్‌ స్టార్‌ కూడా ఎస్‌ జె సూర్యతో తాను చేస్తున్న సినిమాను అదే రోజున లాంచ్‌ చేస్తున్నట్లు న్యూస్‌ వచ్చింది. అయితే ఇప్పుడు అన్నయ్య కోసం ఈ తమ్ముడు తన ప్లాన్‌ మార్చేశాడట.

అనూహ్యంగా ఈరోజే పవన్‌ కళ్యాన్‌ సినిమా లాంచ్‌ జరగబోతోందని తెలుస్తోంది. ఎందుకంటే ఎట్టి పరిస్థితుల్లో అన్నయ్య సినిమా లాంచ్‌ ఈవెంట్‌ ను మిస్ అవ్వకూడదని పవన్‌ డిసైడయ్యాడట. అందుకే ఇప్పుడు తన సినిమా లాంచింగ్‌ కార్యక్రమాన్ని ఇవాళే జరిపేసి.. ఆ ముహూర్తం షాటేదో ఇవాళే తీసేస్తే.. రేపు చక్కగా అన్నయ్య ప్రోగ్రామ్‌ ను ఫ్యామిలీ మెంబర్స్‌ అందరితో కలసి ఎంజాయ్‌ చేయొచ్చుగా..

ఇందులో ఎంత వరకు నిజముందనే మరి కొన్ని గంటల్లో మనకు తెలుస్తుంది. ఇక ఈ మధ్యన అన్నయ్య కోసం తమ్ముడు చాలానే చేస్తున్నాడు కాబట్టి.. ఖచ్చితంగా మెగా 150 లాంచ్‌ ను పవన్‌ మిస్సవ్వడులే.