పవన్ సూపర్ ప్లాన్.. అదిరిందిగా..

పవన్ కళ్యాణ్ స్టామినా ఏంటి అని చెప్పేందుకు సర్దార్ గబ్బర్ సింగ్ ఒక సింపుల్ ఎగ్జాంపుల్. అర్ధరాత్రే పడ్డ మొదటి ఆటకే డిజాస్టర్ టాక్ వచ్చినా.. 52కోట్లను వసూలు చేయడం.. టాలీవుడ్ లో కేవలం పవర్ స్టార్ కి మాత్రమే సాధ్యమయ్యే ఫీట్. అయితే.. ఇంత తెచ్చినా సర్దార్ ఇచ్చిన నష్టాలు కూడా భారీగానే ఉన్నాయి. బయ్యర్స్ కు నష్టాలను కవర్ చేసేందుకు గాను.. పవన్ వేసిన ఓ సూపర్ ప్లాన్ ఇండస్ట్రీ జనాలను ఆకట్టుకుంటోంది.

పవన్ పేరు చెబితే ఓ సినిమాకి టోటల్ గా 80 కోట్ల బిజినెస్ జరిగిపోతుంది. అందుకే భారీ బడ్జెట్ తో నిర్మాణం జరుగుతుంది. కానీ కాటమరాయుడు విషయంలో మాత్రం బడ్జెట్ విషయంలో పరిమితులు పెట్టాడట పవన్. ఇందుకోసం ప్రతీ విషయంలోనూ నియంత్రణలు ఉన్నాయట. పవన్ సినిమా అంటే.. దేవిశ్రీ ప్రసాద్.. థమన్ లాంటి స్టార్ మ్యూజిక్ డైరెక్టర్లను తెచ్చుకోవచ్చు. కానీ.. బడ్జెట్ కండిషన్స్ కారణంగానే అనూప్ రూబెన్స్ ను తెచ్చారని తెలుస్తోంది.అలాగే క్యాస్టింగ్ విషయంలో కూడా బడ్జెట్ కంట్రోల్ బాగానే చేశారట. మొదట పవన్ తమ్ముళ్లుగా నటించేందుకు రాజ్ తరుణ్.. విజయ్ దేవరకొండ వంటి క్రేజ్ ఉన్న కుర్రాళ్లను ఎంపిక చేసుకున్నాడట దర్శకుడు డాలీ.

కానీ ఆయా ప్రధాన పాత్రల్లో శివ బాలాజీ.. కమల్ కామరాజు పవన్ కి తమ్ముళ్లుగా కనిపించనున్నారు. ఇదంతా సర్దార్ బయ్యర్స్ కు నష్టాలను కవర్ చేసేందుకే కావడం విశేషం. ఓ సినిమా ఫ్లాప్ తర్వాత.. దాని నష్టాలను భర్తీ చేసేందుకు ఇలాంటివి చాలానే చెబుతారు స్టార్లు. కానీ మాటపై నిలబడ్డ దాఖలాలు తక్కువగా ఉంటాయి. కానీ పవర్ స్టార్ పవన్ కళ్యాణ్ మాత్రం.. మాటపై ఇలాంటి కమిట్మెంట్ చూపించడాన్ని అందరినీ ఆకర్షిస్తోంది.

Like Us on Facebook : https://www.facebook.com/Tupakidotcom/