బీచ్ లో పాయ‌ల్ తో కుర్ర‌హీరో రొమాన్స్ పీక్స్

హీరో అవ్వ‌డం అంటే వెయ్యి జ‌న్మ‌ల పుణ్య‌ఫ‌లం! అని అన్నాడొక ప్ర‌ముఖ నిర్మాత‌. ఇక్క‌డ ఆది సాయికుమార్ స‌న్నివేశం చూస్తుంటే అలానే ఉంది. బీచ్ లో బోల్డ్ అండ్ హాట్ గాళ్ పాయ‌ల్ రాజ్ పుత్ తో ఆ లెవ‌ల్లో రొమాన్స్ చేస్తున్నాడు మ‌రి. పెద‌వి తాంబూలం అందుకునేందుకు ఎందుకంత మొహ‌మాటం! అన్నంత క్లోజ్ గా పాయ‌ల్ చెల‌రేగుతుంటే.. పాపం ఆది సాయికుమార్ కాస్త షై ఫీల‌వుతున్న‌ట్టే క‌నిపిస్తోంది.

ఎంతైనా అంత‌గా అనుభ‌వం లేని యువ‌హీరో బోల్డ్ మెరుపుతీగ‌తో అల్లుకుపోవాలంటే అంత సులువేమీ కాదు. కాస్త త‌ట‌ప‌టాయిస్తున్న‌ట్టే క‌నిపిస్తోంది. అయినా కానీ ఆదికి రొమాంటిక్ హీరోగా తొలి సినిమాతోనే పేరొచ్చింది. ప్రేమ కావాలిలో ఇషా చావ్లాతో .. ల‌వ్ లీలో శాన్వీతో రొమాన్స్ బాగానే చేశాడు. ఇప్పుడు పాయ‌ల్ తో రొమాన్స్ అంటేనే కాస్త అదో ఇదిగా ఉన్నాడు. కొంత అనుభ‌వం వ‌చ్చింది కాబ‌ట్టి ఇక లాగించేస్తున్నాడు ఎలాగోలా! ఇంత‌కీ ఈ రొమాన్స్ ఏ సినిమా కోసం అంటే.. ఆది సాయికుమార్ -పాయ‌ల్ జంట‌గా కీచ‌క అనే చిత్రం తెర‌కెక్కుతోంది. ప్ర‌స్తుతం సినిమా చిత్రీక‌ర‌ణ సాగుతోంది. ఇందులో ఓ రొమాంటిక్ సీన్ నుంచి క్లిక్ మ‌నిపించిన ఫోటో ఇది. బీచ్ ఇసుక‌లో రొమాంటిక్ క‌పుల్ లుక్ ప్ర‌స్తుతం వైర‌ల్ గా మారింది.

అలా బీచ్ ఇసుక‌లో త‌డిపొడి త‌మ‌కం త‌ప‌న‌ల క‌థేమిటో తెర‌పై చూడాల్సిందే. మ‌రోసారి పాయ‌ల్ వేడెక్కించే అందాల‌తో క‌నువిందు చేయ‌నుంద‌ని ఈ సీన్ చెబుతోంది. ఎం.వీర‌భ‌ద్రం ఈ చిత్రానికి ద‌ర్శ‌క‌త్వం వ‌హిస్తుండ‌గా విజ‌న్ సినిమాస్ బ్యాన‌ర్ లో తిరుప‌తిరెడ్డి నిర్మిస్తున్నారు. ఆగ‌స్టులో ఈ సినిమా మొద‌లైంది. శ‌ర‌వేగంగా చిత్రీక‌ర‌ణ‌ను పూర్తి చేస్తున్నారు.