పిట్ట గోడ దూకే డేట్ చెప్పేశారు

ఈ ఏడాది చిన్న సినిమాలు సృష్టించిన సంచలనాలు ఇప్పట్లో మర్చిపోవడం కష్టం. క్షణంతో మొదలుపెట్టి.. పెళ్లి చూపులు.. రీసెంట్ గా ఎక్కడికి పోతావు చిన్నవాడా లాంటి సినిమాలు బోలెడన్ని కలెక్షన్స్ రాబట్టాయి. పెట్టుబడితో పోల్చితే.. ఈ సినిమాలకు వచ్చిన వసూళ్లను సునామీ అనాల్సిందే. ఇప్పుడు పిట్టగోడ అనే మూవీ కూడా ఇలాంటి సంచలనాలకు కేంద్రం అవుతుందనే అంచనాలున్నాయి.

బడా నిర్మాత సురేష్ బాబు చేయి కలపడంతో.. పిట్టగోడపై అంచనాలు పెరిగిపోయాయి. గోదావరి ఖని బ్యాక్ డ్రాప్ తో తెలంగాణ నేటివిటీతో తెరకెక్కిన పిట్టగోడను.. డిసెంబర్ 24న థియేటర్లలోకి తీసుకురానున్నారు. అష్టాచెమ్మా-గోల్కొండ హైస్కూల్ లాంటి సినిమాలను తీసిన నిర్మాత రామ్ మోహన్ నిర్మాణం కావడంతో.. ఈ మూవీపై ఇండస్ట్రీ కూడా ఆసక్తిగా ఎదురుచూస్తోంది. విశ్వదేవ్ రాచకొండ హీరోగా పరిచయం కానుండగా.. పునర్ణవి భూపాలం హీరోయిన్ గా నటిస్తోంది.

అనుదీప్ కె.వి దర్శకత్వంలో ఈ మూవీ తెరకెక్కగా.. నిర్మాతలు దినేష్ కుమార్-రామ్ మోహన్ లు రిలీజ్ డేట్ విషయంలో అనౌన్స్ మెంట్ ఇచ్చేశారు. ఇప్పటికే రిలీజ్ అయిన ట్రైలర్లు మూవీపై అంచనాలను మరింతగా పెంచేస్తున్నాయి.

Like Us on Facebook : https://www.facebook.com/Tupakidotcom/