మెగాస్టార్ విషయంలో ఏదోటి చెయ్యండయ్యా!!

మెగాస్టార్ చిరంజీవి 9 ఏళ్ల తర్వాత సినిమాల్లోకి బ్యాంగ్ బ్యాంగ్ రీ ఎంట్రీ ఇచ్చారు. ఖైదీ నంబర్ 150 మూవీతో.. వచ్చీ రావడంతోనే రికార్డుల అంతు చూసేశారు. 'మేమంతా అసాధ్యం అనుకున్న ఓ ఫీట్ ను.. మీరు సాధ్యమే అని నిరూపించారు' అంటూ ఖైదీ 100 కోట్ల షేర్ వసూళ్ల విషయంలో నాగార్జున స్పందించారంటే.. రీఎంట్రీ ఎంతటి పవర్ఫుల్ గా ఉందో అర్ధమవుతుంది.

అయితే.. ఈ సెన్సేషన్ సిల్వర్ స్క్రీన్ కి మాత్రమే పరిమితం కావడం బ్యాడ్ లక్. బుల్లితెరపై తొలిసారిగా కనిపిస్తున్న మెగాస్టార్.. మీలో ఎవరు కోటీశ్వరుడు గేమ్ షోను హోస్ట్ చేస్తున్నారు. కానీ గత మూడు వారాల్లో ఎంఈకే4కి  3.62.. 2.38.. 2.53 టీఆర్పీ రేటింగులు మాత్రమే వచ్చాయి. ఎందుకో ఈసారి మీలో ఎవరు కోటీశర్వుడు గేమ్ షో.. అసలు ఏ మాత్రం క్లిక్ కావట్లేదు. నిజానికి సీజన్1 తో పోల్చితే.. సీజన్ 2.. సీజన్ 3 కు రేటింగ్స్ తగ్గాయనే నాగార్జునను మార్చి చిరంజీవిని తీసుకొస్తే.. సిట్యుయేషన్ మరీ దారుణంగా మారింది తప్ప.. ఇంప్రూవ్ కాలేదు.

సరిగ్గా పిల్లల పరీక్షల సీజన్ కి ముందు మొదలు పెట్టడం అంటూ ఏవేవో కారణాలు అయితే వినిపిస్తున్నాయ్ కానీ.. వాటిని యాక్సెప్ట్ చేసే పరిస్థితి కాదు. ఇప్పుడు ఎలాగూ సమ్మర్ సీజన్ మొదలైంది కాబట్టి.. మా టివి త్వరగా ఏదో ఒక కొత్త ప్లాన్ తో వచ్చి రేటింగ్స్ విషయంలో మెరుగవ్వకపోతే.. అసలు ఎంఈకే ఐదో సీజన్ ఉండకపోయినా ఆశ్చర్యపోవాల్సిన పని లేదు.

Like Us on Facebook : https://www.facebook.com/Tupakidotcom/