తెలుగు సినిమాల సంక్రాతి సందడికి ‘అజ్ఞాతవాసి’ తెర తీసింది. ఐతే ఈ చిత్రం అంచనాల్ని మాత్రం అందుకోలేకపోయింది. డివైడ్ టాక్ తో మొదలైన ‘అజ్ఞాతవాసి’కి తొలి రోజు వసూళ్ల విషయంలో మాత్రం ఢోకా లేకపోయింది. అడ్వాన్స్ బుకింగ్స్ గట్టిగా జరిగాయి కాబట్టి రెండో రోజు కూడా వసూళ్లు బాగానే ఉండొచ్చు. ఐతే అంతిమంగా ఈ చిత్రానికి ఆశించిన స్థాయిలో ఫలితం రావడం మాత్రం కష్టమే. ‘అజ్ఞాతవాసి’ విడుదలకు రెండు రోజుల ముందు నుంచే ఎక్కడ చూసినా ఈ సినిమా మేనియానే కనిపించింది. సంక్రాంతికి రాబోతున్న వేరే సినిమాలపై ఎవరికీ దృష్టి లేదు. రిలీజ్ రోజు కూడా పాజిటివ్ గానో.. నెగెటివ్ గానో డిస్కషన్లన్నీ దీని చుట్టూనే తిరిగాయి.
ఐతే ఒక రోజు గడిచాక జనాలు ‘అజ్ఞాతవాసి’ చర్చల్లోంచి బయటికి వచ్చారు. ఇప్పుడందరి దృష్టీ నందమూరి బాలకృష్ణ సినిమా ‘జై సింహా’ మీదే ఉన్నాయి. ఈ సినిమాకు ఎలాంటి టాక్ వస్తుంది.. ‘అజ్ఞాతవాసి’కి డివైడ్ టాక్ రావడాన్ని ఇది ఏమేరకు సద్వినియోగం చేసుకుంటుంది అని అందరూ ఆసక్తిగా ఎదురు చూస్తున్నారు. ‘జై సింహా’ ప్రోమోలవీ చూస్తే మాస్ జనాలకు ఎంటర్టైన్మెంట్ గ్యారెంటీ అన్నట్లే ఉంది. సంక్రాంతి సీజన్ కాబట్టి టాక్ ఎలా ఉన్నా మాస్ సెంటర్లలో సినిమా ఆడేయొచ్చు. ఎటొచ్చీ ఎ సెంటర్లలో ఎలా ఆడుతుందనడానికి టాక్ కీలకం. మరి అదెలా ఉంటుందో చూడాలి. ఓవరాల్ గా పాజిటివ్ తెచ్చుకుంటే ‘జై సింహా’ బాలయ్య కెరీర్లోనే అత్యధిక వసూళ్లు సాధించిన సినిమాల్లో ఒకటిగా నిలవడానికి ఆస్కారముంది. ఎందుకంటే అసలే సంక్రాంతి సీజన్.. పైగా పోటీగా వచ్చిన పెద్ద సినిమాకు టాక్ ఏమంత బాగా లేదు.
ఐతే ఒక రోజు గడిచాక జనాలు ‘అజ్ఞాతవాసి’ చర్చల్లోంచి బయటికి వచ్చారు. ఇప్పుడందరి దృష్టీ నందమూరి బాలకృష్ణ సినిమా ‘జై సింహా’ మీదే ఉన్నాయి. ఈ సినిమాకు ఎలాంటి టాక్ వస్తుంది.. ‘అజ్ఞాతవాసి’కి డివైడ్ టాక్ రావడాన్ని ఇది ఏమేరకు సద్వినియోగం చేసుకుంటుంది అని అందరూ ఆసక్తిగా ఎదురు చూస్తున్నారు. ‘జై సింహా’ ప్రోమోలవీ చూస్తే మాస్ జనాలకు ఎంటర్టైన్మెంట్ గ్యారెంటీ అన్నట్లే ఉంది. సంక్రాంతి సీజన్ కాబట్టి టాక్ ఎలా ఉన్నా మాస్ సెంటర్లలో సినిమా ఆడేయొచ్చు. ఎటొచ్చీ ఎ సెంటర్లలో ఎలా ఆడుతుందనడానికి టాక్ కీలకం. మరి అదెలా ఉంటుందో చూడాలి. ఓవరాల్ గా పాజిటివ్ తెచ్చుకుంటే ‘జై సింహా’ బాలయ్య కెరీర్లోనే అత్యధిక వసూళ్లు సాధించిన సినిమాల్లో ఒకటిగా నిలవడానికి ఆస్కారముంది. ఎందుకంటే అసలే సంక్రాంతి సీజన్.. పైగా పోటీగా వచ్చిన పెద్ద సినిమాకు టాక్ ఏమంత బాగా లేదు.