అక్కడ ఓ రొమాంటిక్ సాంగ్ చిత్రీకరణ పూర్తి చేసిన సుక్కు..?

అల్లు అర్జున్ - రష్మిక మందన్నా జంటగా నటిస్తున్న లేటెస్ట్ యాక్షన్ ఎంటర్టైనర్ ''పుష్ప''. డైరెక్టర్ సుకుమార్ తెరకెక్కిస్తున్న ఈ పాన్ ఇండియా చిత్రాన్ని మైత్రీ మూవీ మేకర్స్ మరియు ముత్యంశెట్టి మీడియా సంస్థలు కలిసి నిర్మిస్తున్నాయి. ఈ చిత్రాన్ని తెలుగు, తమిళం, మలయాళం, కన్నడం, హిందీ భాషల్లో ఆగస్టు 13న విడుదల చేయనున్నట్లు ప్రకటించారు. దీనికి తగ్గట్టుగానే ఈ సినిమా షూటింగ్ శరవేగంగా జరుగుతోంది. ఈ నేపథ్యంలో తమిళనాడు రాష్ట్రంలోని టెన్ కాశీ ప్రాంతంలో బ‌న్నీ - రష్మిక మ‌ధ్య ఓ బ్యూటిఫుల్ రొమాంటిక్ సాంగ్ చిత్రీక‌ర‌ణ పూర్తి చేసిన‌ట్లుగా స‌మాచారం.

'పుష్ప' చిత్రంలో బ‌న్నీ - ర‌ష్మీక కెమిస్ట్రీ సాంగ్స్ లో బాగుంట‌ద‌ని.. అయితే ఇద్ద‌రి మధ్య వచ్చే సీన్స్ లో మాత్రం అది కనిపించ‌ద‌ని.. దీన్ని సుక్కు అండ్ టీమ్ డిఫ‌రెంట్ గా ప్లాన్ చేసారని సినీ వర్గాల్లో టాక్ నడుస్తోంది. ఏదేమైనా అల్లు అర్జున్ - సుకుమార్ కాంబినేషన్ లో వస్తున్న ఈ హ్యాట్రిక్ మూవీపై మంచి అంచనాలే ఉన్నాయని చెప్పవచ్చు. ఎర్రచందనం స్మగ్లింగ్ నేపథ్యంలో రూపొందే ఈ చిత్రంలో బన్నీ లారీ క్లీనర్ గా నటిస్తున్నాడు. ఇప్పటికే విడుదలైన ఫస్ట్ లుక్ ఫ్యాన్స్ ని విశేషంగా ఆకట్టుకుంది. ఈ చిత్రానికి రాక్ స్టార్ దేవిశ్రీ ప్రసాద్ సంగీతం సమకూరుస్తుండగా.. మిరోస్లా కుబా బ్రోజెక్ సినిమాటోగ్రాఫర్ గా వ్యవహరిస్తున్నాడు.