రాజా చెయ్యి వేస్తే.. చాలా కథ ఉంది

నెలన్నర వ్యవధిలో మూడో సినిమాతో ప్రేక్షకుల ముందుకు రాబోతున్నాడు నారా రోహిత్. వారాహి చలనచిత్రం బేనర్లో డెబ్యూ డైరెక్టర్ ప్రదీప్ చిలుకూరి దర్శకత్వంలో అతను నటించిన ‘రాజా చెయ్యి వేస్తే’ ఈ శుక్రవారమే ప్రేక్షకుల ముందుకు రాబోతోంది. మొన్న రిలీజ్ డేట్ కన్ఫమ్ కావడం ఆలస్యం.. సినిమాను ఉద్ధృతంగా ప్రమోట్ చేస్తున్నాడు నిర్మాత సాయి కొర్రపాటి. ప్రింట్ అండ్ ఎలక్ట్రానిక్ మీడియాలో ప్రకటనలతో హోరెత్తిస్తున్నారు. ఆల్రెడీ తారకరత్న మీడియాకు ఇంటర్వ్యూలిచ్చాడు. నారా రోహిత్ సహా టీమ్ అంతా మీడియా ముందుకు రాబోతోంది. మరోవైపు ఈ సినిమా మేకింగ్ కు సంబంధించి రిలీజ్ చేసిన వీడియో కూడా ఆసక్తి రేపుతోంది.

కీరవాణి.. ఆయన సతీమణి వల్లిల చేతుల మీదుగా ప్రారంభోత్సవం జరగడం మొదలు.. సినిమాలో కీలక సన్నివేశాల చిత్రీకరణకు సంబంధించి తెర వెనుక ఏం జరిగిందో ఆకట్టుకునేలా చూపించారు ఈ వీడియోలో. తారకరత్న పొగలోంచి బయటికి వచ్చే సీన్.. నారా రోహిత్ వైట్ అండ్ వైట్ డ్రెస్సులో రౌడీల్ని బుల్లెట్ మీద వేసుకుని వచ్చే సీన్.. శ్మశానంలో కాల్పులకు సంబంధించిన సన్నివేశం.. ఇలా సినిమాకు హైలైట్ అనదగ్గ సన్నివేశాల చిత్రీకరణకు సంబంధించిన తతంగమంతా ఇందులో చూపించారు. బ్యాగ్రౌండ్లో కొట్టు కొట్టు కొట్టు కొట్టు.. పాట ప్లే చేశారు. నారా రోహిత్ హీరో.. తారకరత్న విలన్ అనగానే.. ఈ సినిమా మీద జనాల్లో ఆసక్తి మొదలైంది. ట్రైలర్ కూడా ఆసక్తికరంగా ఉండటంతో మంచి అంచనాల మధ్య సినిమా రిలీజవుతోంది. ‘గుండె జారి గల్లంతయ్యిందే’ ఫేమ్ ఇషా తల్వార్ కథానాయికగా నటించిన ఈ సినిమాకు సాయికార్తీక్ సంగీత దర్శకుడు.
Full View