కాలా.. ఏమీ లీకుల గోల?

సూపర్ స్టార్ రజనీకాంత్ ఈసారి అభిమానులను మెప్పించే మాస్ పాత్రతో సిద్ధమైపోయాడు. ముంబైని గడగడలాడించే డాన్ పాత్రలో తన తరవాత సినిమా కాలాలో కనిపించనున్నాడు. నల్ల చొక్కా.. నల్ల లుంగీలో సూపర్ స్టార్ స్టిల్స్ ఇప్పటికే అభిమానులను బాగా ఆకట్టుకున్నాయి. కబాలి ఫేం దర్శకుడు పా. రంజిత్ ఈ సినిమాను డైరెక్ట్ చేస్తున్నాడు.

యాక్షన్ అండ్ స్టంట్ల విషయంలో కబాలి చిత్రంలో డైరెక్టర్ పా.రంజిత్ అభిమానులను అంతగా మెప్పించలేదు. ఆ లోటు భర్తీ చేయడానికి అన్నట్టు కాలాలో యాక్షన్ సీన్లపై బాగానే ఫోకస్ చేశారని తెలుస్తోంది. తాజాగా ఈ సినిమాకు సంబబంధించి ఓ పైట్ సీన్ ఒకటి లీకయింది. మంటల్లో చిక్కుకున్న ఫ్యాక్టరీలో విలన్ తో ఫైట్ చేస్తున్న వీడియోను కోలీవుడ్ లోని రజనీ అభిమానులు ఆనందంగా షేర్ చేస్తున్నారు. ఈ ఫైట్ సినిమాలో క్లైమాక్స్ లో వస్తుందని.. ఇందులో రజనీ ఫైట్లు ఓ రేంజిలో ఉంటాయని సినిమా యూనిట్ అంటోంది. ఈ ఫైట్ తెరకెక్కుతున్న విధానం గమనిస్తే మాస్ ను అట్రాక్ట్ చేయడమే లక్ష్యంగా పెట్టుకున్నట్టు కనిపిస్తోంది.

ఈ సీన్ వరకు బాగానే ఉన్నా షూటింగ్ దశళో ఈ క్లిప్ ఎలా లీకయిందనన్న దానిపై కోలీవుడ్ లో పలు ప్రశ్నలు వస్తున్నాయి. అసలే సినిమా రిలీజైన రోజునే నెట్ లో ప్రత్యక్షం అవుతుండటంతో వాటినెలా ఆపాలా అని ఆ ఇండస్ట్రీ సతమతం అవుతోంది. అది చాలదన్నట్టు ఈసారి ఇంకా రిలీజ్ కాకుండా డైరెక్ట్ గా సెట్ నుంచి నెట్ కు అప్ లోడ్ అయిపోయాయి. మరి దీనిపై ఏం చర్యలు తీసుకుంటారో?