డాన్ గా హిట్టుకొడదామని ఫిక్సయ్యాడు.. డాట్

స్క్రిప్ట్ ల ఎంపిక విషయంలో స్టార్ హీరోలు చాలా జాగ్రత్త వహిస్తారు.. వందమంది దోషులు తప్పించుకున్నా పర్లేదు ఒక్క నిర్దోషి కి కూడా శిక్ష పడకూడకూడదు అన్నట్టే తెలియకుండా పది మంచి సినిమాలు వదులుకున్నా పర్లేదు తెలిసి తెలిసీ ఒక్క ఫ్లాప్ సినిమాకూడా ఒప్పుకోకూడదు అన్నది ఇప్పటి బడా హీరోల సిద్ధాంతం. అయితే తమిళనాట యమ ఫాలోయింగ్ వున్న సౌత్ ఇండియన్ సూపర్ స్టార్ గత రెండు చిత్రాలతో ప్రేక్షకులను ఘనంగా నిరాశపరిచాడు.

విక్రమసింహా, లింగా భారీ డిజాస్టర్ లు గా నిలవడంతో రజినీ కెరీర్ పై కాసిన్ని అనుమానాలు రేకెత్తాయి. అయితే సినిమా రంగంలోకి అడుగు పెట్టి నలభై వసంతాలు పూర్తిచేసుకున్న సందర్భంగా ప్రస్తుతం రంజిత్ పా దర్శకత్వంలో తెరకెక్కుతున్న సినిమా టైటిల్ ని విడుదలచేశారు. తమిళనాట భయంకరమైన మాఫియా డాన్ గా పేరు గడించిన కబలీశ్వరన్ జీవితాన్ని స్పూర్తిగా తెరకెక్కిస్తున్న సినిమా గనుక ఈ చిత్రానికి 'డాన్ కబలి' అనే పేరుని ఖరారు చేశారు.

రజినీ కెరీర్ లో బిగ్గెస్ట్ హిట్ గా నిలిచిన బాషా సినిమాలో మన సూపర్ స్టార్ డాన్ పాత్ర పోషించిన సంగతి తెలిసినదే. మరోసారి ఆ మ్యాజిక్ రిపీట్ అవుతుందని ప్రేక్షకుల ఆశ. ఈ సినిమాలో రాధికా ఆప్టే హీరోయిన్. ఈ నెలాఖరున ఫస్ట్ లుక్ విడుదల చేసే అవకాశాలు వున్నాయి. సో డాన్ పాత్రలో హిట్ కొట్టడానికి మన సూపర్ స్టార్ రెడీ అవుతున్నాడన్నమాట.. డాట్