ఫోటో: కుచేలుడి స్నేహం

పిజ్జాలు - బ‌ర్గ‌ర్లకు అల‌వాటు ప‌డిన‌ నేటిరోజుల్లో స్నేహితుడి కోసం కాసిన్ని అటుకులు తెచ్చేవాళ్లుంటారా? అంటే ఉంటార‌నే ఇదిగో ఇక్క‌డ క‌నిపిస్తున్న కుచేలుడిని చూస్తే అర్థ‌మ‌వుతోంది. శ్రీ‌కృష్ణుడి ఫ్రెండు కుచేలుడు అటుకులు తెచ్చి ఫ్రెండుకి పెట్టిన చందంగా ఈయ‌న కూడా ర‌జ‌నీతో క‌లిసి అటుకులు తిన్న గ్రేట్ ఫ్రెండ్. పేరు రామ‌కృష్ణ‌. చిన్న‌నాటి స్నేహితుడు. క‌లిసే చ‌దువుకున్నారు. పెద్ద‌య్యాక ఎవ‌రి రంగాల్లో వాళ్లు ఎదిగారు. ర‌జ‌నీకాంత్ సినీఆరంగేట్రం చేసేప్ప‌టి నుంచి, అంచెలంచెలుగా ఎదిగిన నాటి క్రమం, నేడు రాజ‌కీయారంగేట్రం చేస్తున్న‌ప్ప‌టి ప‌రిణామాల వ‌ర‌కూ పూస గుచ్చిన‌ట్టు చెప్పేయ‌గ‌ల‌డు. ఎంత‌యినా చిన్న‌నాటి స్నేహితుడు క‌దా?

ర‌జ‌నీకాంత్ రాజ‌కీయ పార్టీ పెట్టి రాజ‌కీయాల్లోకి వ‌స్తున్నాను అని ప్ర‌క‌టించ‌గానే ముందుగా స్పందించింది ఈ కుచేలుడే. నాడు ఓవైపు ర‌జ‌నీ అభిమానులు సంబ‌రాలు చేసుకుంటుంటే.. నిస్వార్థంగా రాజ‌కీయాల్లోకి వ‌స్తున్నాడు! ఈసారి రాజ‌కీయాలు మార‌తాయి! అంటూ ప్ర‌క‌టించిన గ్రేట్ ఫ్రెండు రామ‌కృష్ణ‌.

ఇదిగో మరోసారి ఫ్రెండు ర‌జ‌నీని క‌లిశాడు. అటుకులు తెచ్చాడా.. లేదా? అన్న‌ది అటుంచితే ఈ ఫోటోలో ఆ ఇద్ద‌రి మ‌ధ్యా ఆప్యాయ‌త గుండెల్ని కుదిపేస్తోంది. ద‌స్త్ మేరా దోస్త్! తూహై మేరా జాన్! అన్న తీరుగా స్నేహితులిద్ద‌రూ స‌ర‌దా స‌ర‌దాగా ఎలా ఉన్నారో ఎంచ‌క్కా!! రాజ‌కీయాల్లో దూసుకుపో అంటూ ఫ్రెండు తొంద‌ర పెట్టేస్తున్న‌ట్టే ఉంది. కాస్త ఆగ‌వ‌యి ఫ్రెండూ.. ఆ సినిమాలేవో పూర్తి చేశాక మొద‌లెడ‌దాం.. అని ర‌జ‌నీ న‌వ్వేస్తున్నాడ‌న్న‌మాట‌!!