ర‌కుల్ ను ఫాలో అవుతున్న మెగా స్టార్

తెలుగులో హిట్లు పెద్ద‌గా లేక‌పోవ‌డంతో కోలీవుడ్‌ - బాలీవుడ్‌ల‌లో తిరుగుతోంది ర‌కుల్ ప్రీత్ సింగ్‌. మొన్న‌నే ఆమె చేసిన హిందీ సినిమా అయ్యారి విడుద‌లైంది. ఇప్పుడు ర‌కుల్ బాలీవుడ్ మ‌నుషుల‌ను బుట్ట‌లో వేసుకునే ప‌నిలో చాలా బిజీగా ఉన్న‌ట్టుంది. అక్క‌డ అవ‌కాశాలు కావాలంటే ఆ మాత్రం చేయాలి క‌దా. కాగా ర‌కుల్ ఇప్పుడు చాలా ఆనందంగా ఉంది. కార‌ణం ఓ మెగా స్టార్ త‌న‌ని ఫాలో అవుతున్నాడు.

ర‌కుల్ ఎన్నో ఆశ‌లు పెట్టుకున్న స్పైడ‌ర్ త‌మిళం - తెలుగులో కూడా అట్ట‌ర్ ఫ్లాప‌య్యింది. అందులో ఆమె డీ గ్లామ‌ర్ గానూ క‌నిపించింది. ఆ సినిమా ఫ్లాపుతో బాలీవుడ్‌ - కోలీవుడ్‌ ల‌లో ప్ర‌య‌త్నాలు చేయ‌డం మొద‌లుపెట్టింది. అక్క‌డ కూడా అవ‌కాశాలు ద‌క్కించుకున్నా... ఆమెకు పేరు తెచ్చిన పాత్ర‌లేవీ రాలేదు. ఇంత‌లోనే బాలీవుడ్‌ లో స్నేహాల‌ను మ‌రింత పెంచుకునే ప‌నిలో ప‌డింది. ఆ ప‌నిలో ఉండ‌గా... ఓ సూప‌ర్ స్టార్ ఆమెను ట్విట్ట‌ర్ లో ఫాలో అవుతున్న‌ట్టు నోటిఫికేష‌న్ చూసింది. ఇంకేముంది ఎగిరి గంతేసి ఆ విష‌యాన్ని ట్వీటు చేసింది.

అమితాబ్ బ‌చ్చ‌న్ త‌న‌ను ఫాలో అవుతున్న‌ట్టు వచ్చిన నోటిఫికేష‌న్ చూసి చాలా ఎగ్జైట్‌మెంట్‌ కు గురైన‌ట్టు ట్వీటు చేసింది. ఆ ట్వీటులోనే అమితాబ్‌ కు థ్యాంక్స్ చెప్పింది. వావ్ అనే ఫీలింగ్ క‌లుగుతోందంటూ పొంగిపోయింది. ఆమెకు మ‌రో బాలీవుడ్ న‌టి శ్ర‌ద్ధాక‌పూర్ కంగ్రాట్స్ చెప్పింది.

గ‌తేడాది రకుల్ సినిమాలు నాలుగు విడుద‌ల‌య్యాయి. విన్నర్‌ -  రారండోయి వేడుక చూద్దాం - జయ జానకి నాయకా - స్పైడర్ సినిమాల‌లో చేసింది. నాలుగూ ఆమెకు నిరాశ‌నే మిగిల్చాయి. చూడాలి ఈ ఏడాది ఏమ‌వుతుందో.