చిన్న సినిమా కోసం చరణ్‌ - కెటిఆర్

ఈ మధ్య ఒక చిన్న సినిమా కాస్త హడావుడి చేస్తోంది. ట్రైలర్ రెగ్యులర్ గా ఉన్నా కూడా.. తెలుగులో త్రికోణ ప్రేమ కథలు లేవు అనుకున్న టైమ్ లో ‘కాదలి’ అనే యూత్ లవ్ స్టోరీ సినిమా మళ్ళీ అదే కథాంశంతో మన ముందుకు రాబోతుంది. జూన్ 3 న​​ ​ఈ సినిమా ఆడియో కూడా విడుదల కాబోతుంది​. ఈ సినిమా ఆడియో గురించి టాక్ గట్టిగా వినిపించడానికి కారణం ఏంటంటే.. అక్కడకు వచ్చే గెస్ట్ లు అలాంటివారు మరి.

ఒకరేమో తెలంగాణ రాష్ట్ర ముఖ్య మంత్రి కొడుకు.. రాష్ట్ర ఐ‌టి శాఖ మంత్రి కే‌టి‌ఆర్ మరొకరు మెగా వారసుడు రామ్ చరణ్. కే‌టి‌ఆర్ కు మెగా ఫ్యామిలి కి చాలా మంచి సంబంధాలు ఉన్నాయి. రామ్ చరణ్ అండ్ కే‌టి‌ఆర్ కలిసి ఇంతకు ముందు చాలా ఫంక్షన్లో కలిసి పాల్గొన్నారు. ఈ సినిమా నిర్మాత దర్శకుడు పట్టాభి ఆర్ చిలుకూరి కి కే‌టి‌ఆర్ తో మంచి స్నేహ బంధం ఉండటంతో తన ఆడియో ఫంక్షన్ కు వచ్చేలా చేయడంలో విజయం సాదించారట. ఈ సినిమా పోస్టర్ను కూడా హీరో రానా విడుదల చేశారు. ఒక సోలో ట్రాక్ ను హీరోయిన్ సమంత విడుదల చేసింది. ఇప్పుడు ఈ  మెగా ఈవెంట్ కు మెగా హీరో చరణ్ వస్తుండటంతో యంగ్ టీమ్ కు మంచి జోష్ వచ్చిందట.

అయితే ట్రైలర్ యావరేజ్ గానే ఉంది కాబట్టి.. మరి ఈ గెస్టులా పుణ్యమా అంటూ వచ్చిన క్రేజును సినిమాలోని కంటెంట్ తో ప్రూవ్ చేసుకోవాల్సిన ఆవశ్యకత ఉంది. చూద్దాం మనోళ్ళు ఏం చేస్తారో. 

Like Us on Facebook : https://www.facebook.com/Tupakidotcom/