ముందు చరణ్.. తర్వాత బాలయ్య

పండక్కి బహుమతులు బోలెడన్ని ఇస్తుంటాం వస్తుంటాయి కూడా. అయితే.. దసరా లాంటి పెద్ద పండక్కి పెద్ద రేంజ్ లో గిఫ్టులు ప్లాన్ చేయాలి. స్టార్ హీరోలు కూడా తమ అభిమానులకు మంచి మంచి బహుబతులు ప్లాన్ చేస్తుంటారు. ఈ సారి దసరాకి మెగాభిమానులు.. నందమూరి ఫ్యాన్స్ కు పండక్కి ధమాకా గిఫ్టులు వచ్చేస్తున్నాయి. అటు నందమూరి బాలకృష్ణ.. ఇటు రామ్ చరణ్ లు.. తమ తమ సినిమాలకు టీజర్ లను లాంఛ్ చేసేస్తున్నారు. ఇప్పటికే ముహూర్తాలు పెట్టి మరీ అనౌన్స్ చేసేశారు.

రామ్ చరణ్ మూవీ ధృవ ఫస్ట్ టీజర్ వచ్చేస్తోంది. అక్టోబర్ 11వ తేదీ సాయంత్రం 5 గంటలకు ధృవ టీజర్ రిలీజ్ చేస్తున్నట్లు.. అఫీషియల్ గానే అనౌన్స్ చేశాడు చెర్రీ. మరోవైపు బాలయ్య వందో చిత్రం గౌతమిపుత్ర శాతకర్ణి టీజర్ లాంఛ్ పై కూడా అధికారిక ప్రకటనే వచ్చింది. శాతకర్ణి టీజర్ ను విజయ దశమి రోజున ఉదయం గం. 10.15 ని. లకు విడుదల చేస్తానని.. దర్శకుడు క్రిష్ చెప్పేశాడు.

టాలీవుడ్ టాప్ మోస్ట్ అవైటింగ్ మూవీస్ రెండిటికీ టీజర్ లు కేవలం గంటల వ్యవధిలోనే విడుదలవుతుండడం.. అది కూడా పండగ సెలవల్లో కావడంతో.. టీజర్ రికార్డులపై ఇప్పటికే ఫ్యాన్స్ కన్నేశారు. తమ హీరోల సినిమాల టీజర్ లు యూట్యూబ్ రికార్డులు బద్దలు కొట్టేసేలా అస్త్రశస్త్రాలు సిద్ధం చేసుకుంటున్నారు కూడా.

Like Us on Facebook : https://www.facebook.com/Tupakidotcom/