బాలీవుడ్ లో చేస్తా.. కానీ..

బాలీవుడ్ లో కూడా గుర్తింపు తెచ్చుకోవాలని గత కొంత కాలంగా మన స్టార్  హీరోలు చేయని ప్రయత్నం లేదు. అప్పట్లో మెగాస్టార్ చిరంజీవి - నాగార్జున - వెంకటేష్ వంటి సీనియర్ హీరోలు ప్రయత్నాలు బాగానే చేశారు. అయితే అనవసరంగా క్రేజ్ ను చెడగొట్టుకోవడం ఎందుకని ఒక్క డిజాస్టర్ పడగానే డ్రాప్ అయ్యారు. కానీ ఇప్పుడు సరైన కథతో దిగితే భాషతో సంబంధం లేకుండా హిట్ కొట్టవచ్చని మన హీరోలు నిరూపిస్తున్నారు.

ప్రభాస్ సాహో ద్వారా వచ్చే ఏడాది తన పంజా చూపించడానికి రెడీ అవుతున్నాడు. ఇక రామ్ చరణ్ కూడా అవకాశం వస్తే బాలీవుడ్ లో నటించడానికి ఒకే అంటున్నాడు. గతంలో కెరీర్ స్టార్టింగ్ లో జంజీర్ సినిమా చేసి చేతులు కాల్చుకున్న చరణ్ మళ్లీ బాలీవుడ్ సైడ్ కి వెళ్లలేదు. మళ్లీ వెళతారా అని అడిగితే ? ఎందుకు వెళ్లకూడదు. అందులో తప్పేముంది. కానీ కొంత మంది దర్శకులతోనే వర్క్ చేస్తాను.  రాజ్ కుమార్ హిరాని లాంటి దర్శకుడు అంటే తనకు చాలా ఇష్టమని సినిమాలో ఒక ఆర్ట్ తో పాటు ఎన్నో అర్ధలు చూపించ గల దర్శకుల్లో ఆయన ఒకరు.

ఆయన సినిమాలో నటించే అవకాశం వస్తే హ్యాపీ గా చేస్తా అని చరణ్ తెలిపాడు. అలాగే ఒక స్టైల్ లో విశాల్ భరద్వాజ్ సినిమాలు అంటే కూడా నాకు ఇష్టం. ఆయన సినిమాలతో ఎదో ఒక కొత్త అర్ధాన్ని చెబుతారు. అలాంటి వాళ్ల ద్వారా పరబాషలో పని చేస్తే తప్పకుండా విజయం అందుకోవచ్చని ఇటీవల ఇచ్చిన ఇంటర్వ్యూలో రామ్ చరణ్ వివరణ ఇచ్చారు. ప్రస్తుతం రామ్ చరణ్ బోయపాటి దర్శకత్వంలో ఒక సినిమాను చేస్తున్న సంగతి తెలిసిందే. అలాగే మరికొన్ని నెలల్లో రాజమౌళి మల్టీస్టారర్ ని కూడా చరణ్ స్టార్ట్ చేయనున్నాడు.