బాబోయ్ మళ్ళి ట్విట్టర్ లోకి వచ్చాడు

మామూలుగా ఉంటే మనిషి తేడాగా ఉంటే రామ్ గోపాల్ వర్మ అన్న చందంగా తయారయ్యాడు ఈ క్రియేటివ్ డైరెక్టర్. తన దర్శకత్వ ప్రతిభతో యావత్ సినిమా ప్రపంచం ఎవరు ఇతను అని మాట్లాడుకునేలా చేసిన వర్మ ఇప్పుడు వేరే కారణాలతో తన గురించి చర్చించుకోవడం పట్ల ఆయన హ్యాపీగానే ఉన్నా ఫాన్స్ మాత్రం తెగ ఫీల్ అవుతూ ఉంటారు. ఏడు నెలల క్రితం పవన్ కళ్యాణ్ తో సహా ఎవరి జోలికి వెళ్ళను - ట్విట్టర్ ఎకౌంటు డిలీట్ చేసి దూరంగా వెళ్ళిపోతాను అని చెప్పడం ఇంకా ఎవరు మర్చిపోలేదు. అందులో నుంచి బయటికి వచ్చినా ఇన్స్టా గ్రామ్, ఫేస్ బుక్ లో మాత్రం యాక్టివ్ గానే ఉంటూ తన పాత స్టైల్ లో వివాదాస్పద పోస్టులు పెట్టడం కంటిన్యూ చేస్తూనే ఉన్నాడు వర్మ. కాని తన ఫాలోయింగ్ తగ్గింది అని అనుమానం వచ్చింది కాబోలు తిరిగి ట్విట్టర్ లో రీ ఎంట్రీ ఇచ్చాడు.

కొద్దిసేపటి క్రితం తన కం బ్యాక్ గురించి మెసేజ్ పెట్టిన వర్మ తను మళ్ళి ట్విట్టర్ లోకి రావడం పునర్జన్మ ఎత్తిన యేసు క్రీస్తులా అనిపిస్తోందని చెప్పి, అందరికి న్యూ ఇయర్ విషెస్ చెబుతూ ఓల్డ్ ఇయర్ కు వీడ్కోలు కూడా చెప్పాడు. మొన్నే రెండు మూడు సార్లు పవన్ కళ్యాణ్ ను అదే పనిగా టార్గెట్ చేసి కామెంట్స్ చేస్తున్న వర్మ అజ్ఞాతవాసి రిలీజ్ మరో వారంలో ఉందనగా అదే పనిగా ట్విట్టర్ కు తిరిగి రావడం గురించి పవర్ స్టార్ ఫాన్స్ కు రకరకాల డౌట్స్ వస్తున్నాయి. ఇవన్ని పట్టించుకుని మాట్లాడే బాపతు కాదు వర్మ. తన కం బ్యాక్ తెలిసి వర్మ ట్విట్టర్ ఫాన్స్ మాత్రం యమా ఖుషిగా ఉన్నారు. సినిమాలకు మించి ఎంటర్టైన్మెంట్ ఇచ్చే వర్మ తిరిగి రావడం పట్ల వాళ్ళ ఆనందం మామూలుగా లేదు.