రంగస్థలంపై వర్మ ట్వీట్ చూశారా..

సోషల్ మీడియాలో సెలబ్రెటీలు చేసే ట్వీట్స్ కొన్ని సార్లు మాత్రమే వైరల్ అవుతాయి. కానీ రామ్ గోపాల్ వర్మ చేసే ట్వీట్స్ మాత్రం ప్రతిసారి సంచలనం సృష్టిస్తాయి అని స్పెషల్ గా చెప్పనవసరం లేదు. ఎలాంటి కామెంట్ చేసినా పాజిటివ్ అయినా నెగిటివ్ అయినా కుప్పలు కుప్పల కామెంట్స్ రచ్చ చేస్తుంటాయి. ఓ విధంగా ఫ్యాన్స్ మధ్య వార్ జరుగుతూనే ఉంటుంది. అయితే రీసెంట్ గా వర్మ రంగస్థలం సినిమా గురించి స్పందించిన తీరుకు అందరు షాక్ అయ్యారు.

ఏ మాత్రం నెగిటివ్ కామెంట్స్ చేయకుండా కేవలం పాజిటివ్ గా సినిమా చాలా బావుందని చరణ్ నటన మైండ్ బ్లోయింగ్ అనే విధంగా కొన్ని రకాల ఎమోజీలతో ట్వీట్ వైరల్ అయ్యేలా చేశాడు. అయితే ఓ నెటీజన్ వర్మ ట్వీట్ కు కౌంటర్ ఇచ్చింది. ‘సినిమా ఎలా తీయాలో రంగస్థలం చూసి నేర్చుకో. ఊరికే ట్విట్టర్ ఓపెన్ చేసి అక్కు పక్షిలాగా కాంట్రవర్సీలు క్రియేట్ చేయడం కాదు' అంటూ ఓ మహిళా అభిమాని వర్మకు తెలిపారు.

అయితే అందుకు మరో నెటీజన్ సుకుమార్ కి సంబంధించిన స్పీచ్ వీడియో పోస్ట్ చేసి.. ఆర్జీవీకి సినిమా ఎలా తీయాలో చెబుతావా? అసలు సుకుమార్ ఇండస్ట్రీలోకి వచ్చిందే వర్మ సినిమాలతో స్పూర్తి పొంది. కామెంట్స్ చేయడానికి కూడా అర్థం ఉండాలి. వర్మ గురించి ఆయన ఎన్నోసార్లు గొప్పగా మాట్లాడారు అని చెప్పారు. ఇక అందుకు కౌంటర్ మరో ట్వీట్ వచ్చింది. తెలుసు తెలుసు... ఆర్జీవి గురించి ఫస్ట్ నుండి లాస్ట్ వరకు తెలుసు. శివ నుండి ఐస్ క్రీమ్ వరకు మొత్తం తెలుసు' అంటూ వెరైటీ కౌంటర్ పడింది.

ఇలా అర్జీవీ ట్విట్టర్ లో రోజుకో రచ్చ జరగడం కామన్ అయిపోయింది. ఆయన ట్వీటేసినా రచ్చే.. ఆయన మీద ట్వీటేసినా రచ్చే.