అచ్చం రామూ పోస్టర్లలా ఉందే!!

అసలు పోస్టర్ మీద ఉన్న బొమ్మలకు.. ట్రైలర్లో చూపించే విజువల్స్ కు.. సినిమాలో ఉండే కంటెంట్ కు.. ఎటువంటి సంబంధం లేకుండా ఏదన్నా ఉందా అంటే మాత్రం.. అలాంటి సినిమాలు ఈ మధ్య కాలంలో చాలానే వస్తున్నాయి అని చెప్పాలి. ఇక రామ్ గోపాల్ వర్మ సినిమాలైతే అచ్చం అలాగే ఉంటున్నాయిలే. వేరే చెప్పుకోవక్కర్లేదు మనం.

ఈరోజు ట్విట్టర్లో ఒక ఫోటో షేర్ చేశాడు రామ్ గోపాల్ వర్మ. 'లోఫర్' ఫేం దిశా పటానీ మోడలింగ్ పోర్టుఫోలియో నుండి.. బ్రా ధరించి ఉన్నప్పటకి ఒక స్టిల్ ఒకటి రిలీజ్ చేశాడు. అయితే ఆ స్టిల్ తో పాటు ఉన్న మెసేజ్ అద్భుతం. ''మీ ట్యాక్సులన్నీ సరిగ్గా కట్టేయండి. అలాగే మీ పాత 500 అండ్ 1000 రూపాయల నోట్లను గడువు తీరేలోపే ఎక్స్చేంజ్ చేసుకోండి. దానికి ఈ క్రింది ఫోటోకు ఏం సంబంధం లేదు'' అంటూ దానిపై రాసి ఉంది. అదేదో పంచ్ అనుకున్నాడేమో మనోడు.. కాని నిజానికి ఈయన సినిమాలు కూడా అంతేగా.. పైన పోస్టర్లలో ఏదో ఉంటుంది.. తీరా లోపల చూస్తే రెండింటికీ సంబంధం ఉండదు.

ప్రస్తుతం ముంబయ్ లో ''సర్కార్ 3'' సినిమా షూటింగ్ అండ్ పోస్ట్ ప్రొడక్షన్ పనుల్లో బిజీగా ఉన్నాడు రామ్ గోపాల్ వర్మ.

Like Us on Facebook : https://www.facebook.com/Tupakidotcom/