ధృవ నుంచి RRR వ‌ర‌కూ చెర్రీ షాకింగ్ మేకోవ‌ర్!

ఫిజిక‌ల్ గా ప‌ర్ఫెక్ట్ షోమ్యాన్ లా ఫిట్టెస్ట్ రూపంతో మెస్మ‌రైజ్ చేయ‌డం కోసం మెగా ప‌వ‌ర్ స్టార్ రామ్ చ‌ర‌ణ్ జిమ్ లో ఎంత క‌ఠోరంగా శ్ర‌మిస్తారో చూస్తున్న‌దే. ప‌ర్స‌న‌ల్ ట్రైన‌ర్ స‌మక్షంలో అత‌డు నిరంత‌రం సుశిక్షితుడిగా దేహ‌దారుఢ్యాన్ని మౌల్డ్ చేసిన తీరు స్ఫూర్తిని నింపుతుంది. ఇటీవ‌ల ధృవ చిత్రం కోసం చ‌ర‌ణ్ మేకోవ‌ర్ హాట్ టాపిక్ అయ్యింది. తీరైన దేహ‌దారుఢ్యంతో అత‌డి రూపం ప్ర‌ముఖంగా చ‌ర్చ‌కు వచ్చింంది. ఇప్పుడు మ‌రోసారి అంత‌కుమించి ఆర్.ఆర్.ఆర్ లాంటి పాన్ ఇండియా మూవీ కోసం త‌న‌ని తాను మార్చుకునేందుకు చ‌ర‌ణ్ చేసిన హార్డ్ వ‌ర్క్ కాంపిటీటివ్ స్పిరిట్ యువ‌త‌రంలో చ‌ర్చ‌కు వ‌చ్చింది. ప‌ర్ఫెక్ట్ ఫిట్ బాడీతో చెర్రీ లుక్ సంథింగ్ స్పెష‌ల్ గా క‌నిపిస్తోంది. అల్లూరి సీతారామ‌రాజు గెట‌ప్ లో అత‌డి రూపం ఎన్నో ప్ర‌శంస‌లు ద‌క్కించుకుంటోంది. ఇదంతా చాలా శ్ర‌మ‌తో కూడుకున్న‌ది. ఎంతో ధీక్ష‌తో సాధించుకున్న‌ది అన‌డంలో ఎలాంటి సందేహం లేదు.

RRR విడుదలకు సిద్ధంగా ఉన్న రామ్ చరణ్ తోటి తారాగ‌ణంతో పాటు సినిమాను ప్రమోట్ చేస్తున్నాడు. ఈ చిత్రంలో అతని మేకోవ‌ర్ గురించి సౌతిండియా స్థాయిలో చర్చనీయాంశమైంది. ఎస్.ఎస్.రాజమౌళితో కలిసి పనిచేయడం తనని మంచి నటుడిని చేసిందని చ‌ర‌ణ్ తొలి నుంచి చెబుతూ వస్తున్నాడు. అత‌డి వ‌ల్ల‌నే ఈ హార్డ్ వ‌ర్క్. ఇంత‌కుముందు RRR నిర్మాతలు రామ్ చరణ్ వీడియోను విడుదల చేయ‌గా అందులో అత‌డి రూపం స‌ర్ ప్రైజ్ చేసింది.  ఈ చిత్రంలో రామ్ చరణ్ మూడు విభిన్న దశలను అల్లూరి సీతారామ రాజుగా చూపించినందుకు ఈ వీడియో చూపిస్తుంది.

రామ్ చరణ్ తన ఒక ఇంటర్వ్యూలో చెప్పినట్లుగా ఈ వీడియో శారీరకంగా మానసికంగా దృశ్యపరంగా భారీ పరివర్తనను ఎలివేట్ చేసింది. RRR సెట్స్ లో రామ్ చరణ్ ఎంట్రీతో వీడియో ప్రారంభమవుతుంది. అతను తదుపరి సన్నివేశంలో సిపాయిగా మారాడు. వీడియో కొనసాగుతుండగా రామ్ చరణ్ విభిన్న గెటప్ లు ప్ర‌త్య‌క్ష‌మ‌య్యాయి. ఇది సీన్-టు-సీన్ పరివర్తనను చూపుతుంది.

ప్రతి షాట్ లో రామ్ చరణ్ తన ఫిజికల్ లుక్ తో పాటు ప్రత్యేకమైన స్టైలింగ్ లో కనిపించారు. RRRలో విభిన్న గెట‌ప్ ల‌లో వేష‌ధార‌ణ కోసం చెర్రీ భారీ మేకోవ‌ర్ అతడి హార్డ్ వ‌ర్క్ కి నిద‌ర్శ‌నం. తాజాగా సోష‌ల్ మీడియాలో జనవరి 7 నుండి భారీ యాక్షన్ డ్రామా థియేటర్లలో మాత్రమే వీక్షించండి అంటూ చ‌ర‌ణ్ ప్ర‌మోష‌న్ చేసారు. తెలుగు బిగ్గెస్ట్ స్టార్స్ కలిసి సినిమా చేయడం ఇదే తొలిసారి. రామ్ చరణ్- జూనియర్ ఎన్టీఆర్ క‌థానాయ‌కులుగా రాజ‌మౌళి తెర‌కెక్కించిన ఆర్.ఆర్.ఆర్ చిత్రం జనవరి 7న ప్రేక్షకుల ముందుకు రానుంది. తెలుగు-త‌మిళం -హిందీ-మ‌ల‌యాళం-క‌న్న‌డ‌లో ఈ మూవీ అత్యంత భారీగా విడుద‌ల‌వుతున్న సంగ‌తి తెలిసిందే.