వీడియో: రానాపై జప‌నీల‌ వీరంగం

ప్ర‌పంచ‌వ్యాప్తంగా బాహుబ‌లి సిరీస్ ప్ర‌భంజ‌నం గురించి తెలిసిందే. ఇండియా - చైనాతో పాటు జ‌పాన్ లోనూ రిలీజై ఘ‌న‌విజ‌యం సాధించింది ఈ చిత్రం. ముఖ్యంగా జ‌పాన్ లో బాహుబ‌లి స‌క్సెస్ విష‌యంలో ఎస్.ఎస్‌.రాజ‌మౌళి స‌హా చిత్ర‌బృందం ఎంతో ఆనందం వ్య‌క్తం చేశారు. అక్క‌డ కేవ‌లం స‌క్సెస్ మాత్ర‌మే కాదు.. అంత‌కుమించి వీరాభిమానం సంపాదించుకున్నారు. అమ‌రేంద్ర బాహుబ‌లిగా న‌టించిన ప్ర‌భాస్ - భ‌ళ్లాల దేవ‌గా న‌టించిన‌ రానా .. ఇద్ద‌రికీ వీరాభిమానులేర్ప‌డ్డారు. ఈ సినిమా జ‌ప‌నీ నేటివిటీ క‌థ‌తో తెర‌కెక్కింది అంటూ నెత్తిన పెట్టుకుని పూజిస్తున్నారు. బాహుబ‌లి సిరీస్ స్క్రీనింగ్ వేళ జ‌ప‌నీల ఎగ్జయిట్ మెంట్ అంతే ఇదిగా బ‌య‌ట‌ప‌డింది. ఆ సినిమాకి లోక‌ల్ క్రిటిక్స్ సైతం బ్ర‌హ్మ‌ర‌థం ప‌ట్టారు. ప్ర‌శంస‌ల‌తో ఉక్కిరి బిక్కిరి చేశారు. జ‌ప‌నీల సంస్కృతితో మిళిత‌మైన క‌థ‌ను చూపించార‌ని ప్ర‌శంస‌లు కురిపించారు.

అప్ప‌ట్లోనే భ‌ళ్లాల దేవ‌ రానా  స్పెష‌ల్ స్క్రీనింగ్ కోసం వెళితే అక్క‌డ అభిమానులు రిసీవ్ చేసుకున్న వైనంపైనా ఆస‌క్తిక‌ర చ‌ర్చ సాగింది. తాజాగా మరోసారి ద‌గ్గుబాటి రానాపై జ‌ప‌నీ ఫ్యాన్స్ అభిమానం బ‌య‌ట‌ప‌డింది. గ‌తంలోని ఓ ప్రివ్యూ సంద‌ర్భంలో ఓ అభిమాని భ‌ళ్లాల‌దేవ గెట‌ప్ లో ద‌ర్శ‌న‌మిస్తే.. ఈసారి ద‌గ్గుబాటి రానా జ‌య‌హో! కింగ్ భ‌ళ్లాల దేవ జ‌య‌హో!! అంటూ నిన‌దిస్తూ అభిమానం కురిపించారు. అమ‌రేంద్ర బాహుబ‌లి పాత్ర‌ను మించి భ‌ళ్లాల‌దేవ పాత్ర‌ను  జ‌ప‌నీలు అమితంగా ఇష్ట‌ప‌డ్డార‌ని వారి ఆనందం - కేక‌ల్ని బ‌ట్టి అర్థ‌మ‌వుతోంది. భ‌ళ్లాల‌దేవ‌పై పూల వ‌ర్షం కురిపిస్తూ ద‌గ్గుబాటి రానా జ‌య‌హో! అంటూ జ‌ప‌నీ ఫ్యాన్స్ గోల చేస్తున్న ఆ వీడియో ఉత్కంఠ పెంచుతోంది.

నిన్న‌నే జ‌పాన్ రాజ‌ధాని టోక్యోలో భ‌ళ్లాల దేవ‌ అభిమానుల కోసం ప్ర‌త్యేకించి ఓ ప్రివ్యూని ఏర్పాటు చేశారట‌. ఈ ప్రివ్యూ సంద‌ర్భంగా తీసిన వీడియోని అభిమాని ఒక‌రు సామాజిక మాధ్య‌మాల ద్వారా రివీల్ చేశారు. ``కింగ్ భ‌ళ్లాల‌దేవ సంపూర్ణ విజ‌యం!`` అంటూ జ‌ప‌నీలు ఊగిపోతున్నారు. ఈ వీడియో ప్ర‌స్తుతం రానా ఫ్యాన్స్ తో పాటు - బాలీవుడ్ మీడియాలోనూ జోరుగా వైర‌ల్ అవుతోంది. భ‌ళ్లాల దేవ అభిమానుల కోసం ప్ర‌త్యేకించి ప్రివ్యూ వేయ‌డం.. ఆ ప్రివ్యూలో ఇలాంటి స్పంద‌న రావ‌డం చూస్తుంటే రానాకి జ‌పాన్ లో ఉన్న ఫాలోయింగ్ ఎలాంటిదో ఊహించ‌వ‌చ్చు. ఇది రానా భ‌విష్య‌త్ సినిమాల‌కు జ‌పాన్ మార్కెట్ గేట్లు తెర‌వ‌డమేన‌ని అర్థం చేసుకోవాల్సి ఉంటుంది. భ‌ళ్లాల దేవ ఇమేజ్ తో అత‌డి సినిమాల‌న్నీ అక్క‌డా బంప‌ర్ హిట్లు కొట్ట‌డం ఖాయం. టాలీవుడ్ కి జ‌ప‌నీ ఎన్ (క‌రెన్సీ)లు రాసి పెట్టి ఉన్నాయి మ‌చ్చా!!


వీడియో కోసం క్లిక్ చేయండి