డిస్కో రాజా దసరాకే

మాస్ మహారాజా రవితేజ హీరోగా విఐ ఆనంద్ దర్శకత్వంలో రూపొందుతున్న డిస్కో రాజా ఇటీవలే రెగ్యులర్ షూటింగ్ కోసం సెట్స్ లో అడుగు పెట్టిన సంగతి తెలిసిందే. ఎక్కువ ఆలస్యం లేకుండా వీలైనంత త్వరగా షూటింగ్ పూర్తి చేసి దసరా బరిలో నిలిపేందుకు నిర్మాతలు నిర్ణయం తీసుకున్నట్టు సమాచారం. ఇంత కన్నా చాలా త్వరగా మొదలుపెట్టిన ఇతర హీరోల సినిమాలు పెట్టుకున్న టార్గెట్ డేట్లను చేరుకోవడానికి ఆపసోపాలు పడుతుంటే రవితేజ టీమ్స్ మాత్రం ఎంచక్కా ఆ పనిని పూర్తి చేసుకుంటున్నాయి.

పాయల్ రాజ్ పుత్ రవితేజకు జంటగా నటిస్తున్న ఈ మూవీలో తమిళ ప్రముఖ నటుడు కం విలన్ బాబీ సింహా కీలక పాత్ర పోషిస్తున్నాడు. డిస్కో రాజా సక్సెస్ కావడం ఇటు రవితేజకు అటు దర్శకుడు విఐ ఆనంద్  కు ఇద్దరికీ చాలా కీలకం. హీరోగా మాస్ రాజా ట్రాక్ రికార్డు ఈ మధ్య ఏమంత బాగాలేదు. గత ఏడాది ఏకంగా మూడు డిజాస్టర్లు పడ్డాయి. సాలిడ్ గా ఒక్క హిట్టు కొడితే మార్కెట్ ని తిరిగి నిలబెట్టుకోవచ్చనేది రవి ప్లాన్.

మరోవైపు విఐ ఆనంద్ గత చిత్రం ఒక్క క్షణం ఆశించిన ఫలితాన్ని అందుకోలేదు. ఆ కారణంగానే అల్లు అర్జున్ తో ఆఫర్ వచ్చినట్టే వచ్చి చేజారిపోయింది. అందుకే మళ్ళి ప్రూవ్ చేసుకునే లక్ష్యంతో డిస్కో రాజాలో హీరో పాత్ర కథా కథనాలు కొత్తగా రాసుకున్నట్టు టాక్. మొత్తానికి దసరా రేస్ లో మొదటి బెర్త్ డిస్కో రాజా కన్ఫర్మ్ చేసుకున్నట్టే