మాస్ రాజా పక్కన బలుపు సుందరి?

మాస్ మహారాజా రవితేజ కొత్త సినిమా ఈ ఏడాది ఇప్పటిదాకా విడుదల కాలేదు. డిసెంబర్ లో రానున్న డిస్కో రాజా మీదే హీరోతో పాటు అభిమానులు ఆశలు పెట్టుకున్నారు. ఏదో డిఫరెంట్ గా ట్రై చేసినట్టు పోస్టర్లలో అర్థమవుతోంది కాబట్టి ఈ సారి హిట్టు గ్యారెంటీ అనే నమ్మకంతో ఉన్నారు. దీని తర్వాత రవితేజ మరో మాస్ యాక్షన్ ఎంటరైనర్ చేయబోతున్నాడు. గోపీచంద్ మలినేని దర్శకత్వంలో రూపొందబోయే ఈ సినిమా స్క్రిప్ట్ ఆల్మోస్ట్ లాక్ అయ్యిందని టాక్.

డిస్కో రాజా షూటింగ్ పూర్తయ్యేదాకా దీని తాలూకు విశేషాలు చెప్పకూడదని నిర్ణయించుకోవడంతో ఇంకా అధికారిక ప్రకటన రాలేదని తెలిసింది. ఈలోగా మిగిలిన క్యాస్టింగ్ తో పాటు టెక్నీకల్ టీమ్ ని సెట్ చేసుకునే పనిలో గోపిచంద్ మలినేని ఉన్నట్టు సమాచారం. ఇన్ సైడ్ టాక్ మేరకు గతంలో రవితేజతో బలుపులో నటించి మెప్పించిన శృతి హాసన్ మరోసారి జోడి కట్టేందుకు ఒకే చెప్పినట్టుగా తెలిసింది. అఫీషియల్ న్యూస్ రావాల్సి ఉంది.

బలుపు ఆ టైంలో పెద్ద కమర్షియల్ సక్సెస్ అందుకుంది. ముఖ్యంగా బ్రహ్మానందం - శృతి - రవితేజల మధ్య కామెడీ ట్రాక్స్ ఓ రేంజ్ లో పేలాయి. మళ్ళీ ఇప్పుడు అదే కాంబోని రిపీట్ చేసేందుకు రంగం సిద్ధమైనట్టుగా న్యూస్. శృతి హాసన్ పవన్ కళ్యాణ్ కాటమరాయుడు తర్వాత తెరమీద కనిపించనే లేదు. మ్యూజిక్ ఆల్బమ్స్ చేస్తూ కాలం గడిపేసింది. కొన్ని నెలల క్రితం విజయ్ సేతుపతి సరసన ఓకే చెప్పిన శృతి హాసన్ ఇప్పుడు రవితేజకు గ్రీన్ సిగ్నల్ ఇవ్వడం విశేషం. త్వరలోనే అనౌన్స్ మెంట్ రానుంది.