ఎన్టీఆర్ బ‌యోపిక్.. దిమ్మ‌తిరిగే ఆఫ‌ర్‌

లెజెండ‌రీ న‌టుడు - దివంగ‌త‌ ముఖ్య‌మంత్రి నంద‌మూరి తార‌క‌రామారావు బ‌యోపిక్ ప్ర‌స్తుతం ప్ర‌కంప‌నాలు రేపుతున్న సంగ‌తి తెలిసిందే. బాల‌కృష్ణ టైటిల్ పాత్ర‌లో న‌టిస్తున్న ఈ సినిమాలో బాలీవుడ్ న‌టి విద్యాబాల‌న్ బ‌స‌వ‌తార‌కం పాత్ర‌ పోషిస్తున్నారు. సావిత్రిగా కీర్తి సురేష్‌ - హెచ్ ఎం రెడ్డిగా ప్ర‌కాష్‌ రాజ్ న‌టిస్తున్నారు. ర‌కుల్ ఓ కీల‌క పాత్ర పోషిస్తోంది. క్రిష్ శ‌ర‌వేగంగా చిత్రీక‌ర‌ణ పూర్తి చేస్తున్నారు. ఈ సినిమాకి సంబంధించిన లేటెస్ట్ న్యూస్ యూత్‌ లో జోరుగా వైర‌ల్ అవుతోంది. నేటి త‌రం ఈ సినిమాకి సంబంధించిన ప్ర‌తి విష‌యాన్ని క్యాచ్ చేసేందుకు ఆసక్తి ప్ర‌ద‌ర్శిస్తున్నారు. ఎన్టీవోడికి ప్ర‌జ‌ల్లో ఉన్న క్రేజ్ అలాంటిది మ‌రి.

ఇదిగో ఆ క్రేజుకు త‌గ్గ‌ట్టే బిజినెస్ ఆఫ‌ర్ వ‌చ్చింది. ఎన్టీఆర్ అంటే నేష‌న‌ల్ ఫిగ‌ర్ కాబ‌ట్టి, ఈ సినిమాని తెలుగు - త‌మిళ్‌ - హిందీ స‌హా ప‌లు భాష‌ల్లో క్రేజీగా రిలీజ్ చేయ‌నున్నారు. ఇలా అన్ని భాష‌ల్లో రిలీజ్ చేసేందుకు గంప‌గుత్త‌గా హ‌క్కుల్ని ఛేజిక్కించుకునేందుకు ప‌లు సంస్థ‌లు పోటీప‌డుతున్నాయి. ఆ క్రేజీ ఛాన్స్‌.. ఆ ఒక్క ఛాన్స్.. రిల‌య‌న్స్ ఎంట‌ర్‌ టైన్‌ మెంట్స్‌- సోని పిక్చ‌ర్స్ సంస్థ‌లు  సంయుక్తంగా ద‌క్కించుకోబోతున్నాయ‌ని తెలుస్తోంది. అన్నిభాష‌ల రిలీజ్‌కి క‌లిపి 85కోట్ల‌కు ఆఫ‌ర్ చేశార‌ని తెలుస్తోంది. అయితే మేక‌ర్స్ మాత్రం 100కోట్ల మేర డిమాండ్ చేస్తున్నార‌న్న స‌మాచారం ఉంది. సంక్రాంతి కానుక‌గా 9 జ‌న‌వ‌రి 2019న ఈ సినిమా రిలీజ్ కానుంద‌ని ఇదివ‌ర‌కూ చిత్ర‌బృందం ప్ర‌క‌టించింది.