తెలుగోళ్లకీ రెన్ ట్రాక్ కావాల్సిందేనా!!

అమెరికా.. యురోప్ దేశాల్లో బాగా ప్రాచుర్యం పొందిన బాక్సాఫీస్ ట్రాకింగ్ వ్యవస్థ రెన్ ట్రాక్. మూవీ కలెక్షన్స్ ను రియల్ టైంలో చూపించే ఈ సిస్టం అక్కడ విపరీతమైన ఫేమస్. ప్రతీ ఏరియాలోను.. ప్రతీ థియేటర్ లోనూ రెన్ ట్రాక్ ఉండడంతో.. టికెట్ సేల్ అవగానే అది కలెక్ష్ లెక్కల్లోకి వచ్చేస్తుంది. ఎక్కడా ఫేక్ ఫిగర్ చెప్పే అవకాశం ఇసుమంత కూడా ఉండదు. ఇలాంటి సిస్టం ఇప్పుడు రెండు తెలుగు రాష్ట్రాల్లో కూడా ఉండాలనే డిమాండ్స్ పెరుగుతున్నాయి.

అటు ఇండస్ట్రీ జనాలు మాత్రమే కాదు.. ఇటు ఆడియన్స్ లో కూడా ఇలాంటి కొత్త వ్యవస్థ ఏదైనా ఏర్పాటు చేయాలని కోరుతున్నారు. ఇందుకు ప్రధాన కారణం ఫేక్ ఫిగర్స్. తమ ఫ్యాన్స్ ను సంతృప్తి పరచడానికో.. సెల్ఫ్ ఇగో శాటిస్ఫై చేసుకోడానికో అర్ధం కాదు కానీ.. ఈ మధ్య ఈ ఫేక్ కలెక్షన్స్ ను చెప్పే కల్చర్ పెరిగిపోతోంది. తొలి రోజు తొలి ఆటకే డిజాస్టర్ అనే విషయం తేలిపోయినా.. వందల కోట్ల లెక్కలు చూపిస్తూ పోస్టర్లు వేస్తున్నారు. ఇది ఫ్యాన్స్ మధ్య వాదోపవాదాలకు కారణం అవుతోంది. ఇప్పుడు రెన్ ట్రాక్ లాంటి సిస్టంను తెలుగు స్టేట్స్ లో కూడా ఇంప్లిమెంట్ చేస్తే.. ఎలాంటి లోపాలకు అవకాశం ఉండదని..  రియల్ టైం కలెక్షన్ ఫిగర్స్ అందరికీ వాస్తవాలు తెలుస్తాయని అంటున్నారు.

మరోవైపు.. ముందరి సినిమా కలెక్షన్స్ ఆధారంగా తర్వాతి సినిమాకి ప్రీ రిలీజ్ బిజినెస్ జరిగేందుకు ఆస్కారం ఏర్పడుతుంది. హీరోలను ఐస్ చేసేందుకు ప్రొడ్యూసర్లు దొంగ కలెక్షన్స్ చూపించే కల్చర్ కు కూడా బ్రేక్ వేసేందుకు అవకాశం ఉంటుంది.