కొంటె భంగిమతో సెగలు రేపుతున్న కలకత్తా సుందరి!!

కలకత్తా బ్యూటీ రియాసేన్ పేరు గ్లామర్ ప్రియులకు పెద్దగా పరిచయం అక్కర్లేదు. సోషల్ మీడియాలో అరుదుగా కనిపించే రియా.. వచ్చిందంటే సెగలు రేపడం ఖాయమే అనిపిస్తుంది. అమ్మడు తెలుగులో మంచు మనోజ్ సరసన 'నేను మీకు తెలుసా' అనే సినిమా చేసి మళ్లీ కనిపించలేదు. ఈ భామ కేవలం ఒకే భాషకు అంకితం కాలేదు. దక్షిణ భాషలతో పాటు హిందీ, మలయాళ, ఒరియా, బెంగాలీ చిత్రాల్లో నటించిన రియా.. సోషల్ మీడియాలో మాత్రం ఫోటోషూట్లతో చిచ్చు రేపుతోంది. కెరీర్ పీక్స్ లో ఉన్నప్పుడే బాయ్‌ఫ్రెండ్ శివమ్ తివారీని పెళ్లి చేసుకొని ఇండస్ట్రీకి దూరమైంది. ఇంకా అమ్మడు పెళ్ళైన కొత్తలో హానీమూన్ ఫోటోలు కూడా నెట్టింట షేర్ చేసి సంచలనం రేపింది. నిజానికి రియా సేన్ ఎవరో కాదు. ప్రముఖ నటి సుచిత్రా సేన్ మనవరాలు. అంటే కె.విశ్వనాథ్ రూపొందించిన 'సిరివెన్నెల' సినిమాలో నటించిన మున్ మున్ సేన్ కూతురు రియాసేన్.

బాలనటిగా చాలా సినిమాలు చేసి మంచిపేరు సంపాదించుకుంది రియా. తర్వాత 2001లో స్టైల్ అనే సినిమాతో హీరోయిన్‌గా అరంగేట్రం చేసింది. రియాసేన్‌ దాదాపు 50 చిత్రాలకు పైగా నటించింది. కేవలం సినిమాల్లో నటించడమే కాకుండా, మోడల్‌గా కూడా పలు రికార్డులు నెలకొల్పింది అమ్మడు. లిమ్కా యాడ్‌ లో దీపికా పదుకొనే తర్వాత ఆ స్థానాన్ని రియానే సొంతం చేసుకుంది. ఇదిలా ఉండగా.. రియాసేన్ నెట్టింట మరోసారి వేడెక్కించే ఫోటోతో కుర్రాళ్ళ మతుల్ పోగొడుతుంది. ఇన్‌స్టాగ్రామ్‌లో యాక్టివ్‌గా ఉండే ఈ భామ.. తాజాగా సోఫాలో స్టైలిష్ పోజుతో పిక్ షేర్ చేసింది. అమ్మడి చూపులు, ఆ బ్లాక్ అండ్ వైట్ లుక్కు చూసి కుర్రకారు ఫిదా అవుతున్నారు. మరి మిలియన్ పైగా ఫాలోయింగ్ కలిగిన రియా ప్రస్తుతం సింగిల్ గా ఉంటుందట. అలాగే మోడలింగ్ లో ఫోటోషూట్స్ చేస్తూ కెరీర్ నెట్టుకొస్తుంది. చూడాలి మరి మళ్లీ నటిగా బిజీ అవుతుందేమో..!!