నాని హీరోయిన్లిద్ద‌రూ ఫ్రెండ్సయిపోయారు

ప్రేమ‌మ్ సినిమాతో తెలుగు ఇండ‌స్ట్రీలోకి అడుగుపెట్టింది అనుప‌మా ప‌ర‌మేశ్వ‌ర‌న్‌. మ‌ల‌యాళం ప్రేమ‌మ్ హిట్ కొట్ట‌డంతో అదే పేరుతో తీసిన రీమేక్ సినిమాలో, అదే పాత్ర‌ను తెలుగులోనూ చేసింది. ఆ త‌రువాత తెలుగు సినిమాలు బాగానే వరుస క‌ట్టాయి. నిన్న‌నే ఆ పిల్ల త‌న పుట్టిన‌రోజు చేసుకుంది. ఈ పుట్టిన‌రోజున ఒక కొత్త ఫ్రెండును కూడా సంపాదించుకుంది. ఇంత‌కీ ఆ కొత్త ఫ్రెండు ఎవ‌రు?

నాని  21వ చిత్రం ‘కృష్ణార్జున యుద్ధం’ షూటింగ్ శ‌ర‌వేగంగా జ‌రుగుతోంది. అందులో అనుప‌మా ప‌రమేశ్వ‌ర‌న్తో పాటూ బ్రిట‌న్ పుట్టి పెరిగిన రుక్సార్ మిర్ అనే మోడ‌ల్ కూడా నటిస్తోంది. వీళ్లిద్ద‌రూ సినిమాకు ముందు ఒక‌రికి ఒక‌రు తెలియ‌క‌పోయినా... షూటింగ్ పాల్గొంటున్న‌ప్ప‌టి నుంచి మంచి ఫ్రెండ్స్ అయిపోయారు. అనుప‌మా పుట్టిన‌రోజున రుక్ష‌ర్ ప్ర‌త్యేకంగా శుభాకాంక్ష‌లు తెలిపింది. ఆ రోజున ఇద్ద‌రూ తీయించుకున్న ఫోటోను షేర్ చేసింది. మొత్త‌మ్మీద టాలీవుడ్‌ లో మ‌రో ఇద్ద‌రి హీరోయిన్ల స్నేహం మొద‌లైన‌ట్టే.

'వెంక‌టాద్రి ఎక్స్‌ప్రెస్‌' - 'ఎక్స్‌ప్రెస్ రాజా' చిత్రాల ద‌ర్శ‌కుడు మేర్ల‌పాక గాంధీ ఈ సినిమాను తీస్తున్నారు. ఇందులో నాని ద్విపాత్రాభిన‌యం చేస్తున్నాడు. ఈ సినిమాకు హిప్ హాప్ తమిజా సంగీతం సమకూరుస్తున్నారు. నాని - గాంధీ ఇద్దరూ సక్సెస్‌ ఫుల్ ఫామ్‌ లో ఉండడంతో ఈ సినిమాపై భారీ అంచనాలు నెలకొన్నాయి.