ఎన్టీఆర్ తో ఆయన సినిమా.. అంత వట్టిదే!!

మొన్నటివరకు బ్లాక్ బస్టర్ కొట్టినా కూడా తన తదుపరి సినిమాను సైన్ చేయకుండా తెగ వెయిటింగులో పెట్టేశాడు స్టయిలిష్‌ స్టార్ అల్లు అర్జున్. ఇప్పుడు చూస్తుంటే జనతా గ్యారేజ్ తో హిట్టు కొట్టిన ఎన్టీఆర్ పరిస్థితి కూడా అలాగే ఉంది. ఎందుకంటే మనోడు కూడా ఇంతవరక తన నెక్ట్స్ సినిమా ఏంటనేది చెప్పట్లేదు. కాని రోజుకో రూమర్ మాత్రం వినిపిస్తున్నాయి.

అసలు ఎన్టీఆర్ తదుపరి సినిమా వక్కంతం వంశీ డైరక్షన్లో రూపొందాలి. కాని మనోడు వక్కంతం కథను నమ్మినా కూడా.. అతని డైరక్షన్ ఎబిలిటీస్ పై డౌట్ పడటంతో ఆ సినిమాను మొదలెట్టలేకపోతున్నాడు. అయితే తరువాత మనోడు పూరి జగన్ తో పనిచేస్తాడని వినిపించింది. ముఖ్యంగా ఇజం సినిమా చూసిన తరువాత మనోడు మరోసారి జగన్ తోనే హిట్టు కొట్టాలని అనుకున్నాడు. అయితే చివరకు అది కూడా ఇంకా పట్టాలెక్కలేదు. కాని ఇవన్నీ అటుంచితే.. ఇప్పుడు ఎన్టీఆర్ మాత్రం త్వరలో రాఘవేంద్రరావు తీయబోయే ఒక బాహుబలి తరహా చిత్రంలో నటిస్తాడని రూమర్లు వచ్చాయి. మరో సంవత్సరంలో ఆ సినిమా షూటింగ్ మొదలవుతుందని టాక్. కాని ఇందులో నిజముందా?

అబ్బే అస్సలు లేదట. ఇటు ఎన్టీఆర్ కాని.. అటు రాఘవేంద్రరావు కాని అలాంటి ప్రపోజల్ ఏమీ చేసుకోలేదట. ఆ విషయాన్ని ఎన్టీఆర్ సన్నిహితులు కూడా కన్ఫామ్ చేశారు. అసలు ఇప్పటివరకు తన తదుపరి సినిమా గురించి ఎన్టీఆర్ ఎటువంటి డెసిషన్ తీసుకోలేదుట. అది సంగతి.

Like Us on Facebook : https://www.facebook.com/Tupakidotcom/