పిక్‌టాక్‌ : జాక్వెలిన్ అందాల వర్కౌట్స్‌
శ్రీలంక నటి జాక్వెలిన్ ఫెర్నాండెజ్ బాలీవుడ్‌లో సెటిల్ అయ్యింది. హిందీలో పలు సినిమాల్లో నటించడంతో పాటు బుల్లితెర కార్యక్రమాల్లోనూ నటించింది.
శ్రీలంక నటి జాక్వెలిన్ ఫెర్నాండెజ్ బాలీవుడ్‌లో సెటిల్ అయ్యింది. హిందీలో పలు సినిమాల్లో నటించడంతో పాటు బుల్లితెర కార్యక్రమాల్లోనూ నటించింది. హీరోయిన్‌ పాత్రలతో పాటు ప్రత్యేక పాటల్లోనూ ఈమె కనిపించడం ద్వారా దేశవ్యాప్తంగా పాపులారిటీని సొంతం చేసుకుంది. తెలుగులోనూ ఈ అమ్మడు ప్రత్యేక పాటలో కనిపించింది. శ్రీలంకలో టీవీ రిపోర్టర్‌గా చేసిన జాక్వెలిన్ మోడలింగ్‌ ద్వారా బాలీవుడ్‌లో అడుగు పెట్టింది. మోడలింగ్‌ చేయడం మొదలు పెట్టిన తక్కువ సమయంలోనే 2006 మిస్ యూనివర్స్‌ శ్రీలంక కిరీటాన్ని గెలుచుకుంది. దాంతో 2006లో మిస్ యూనివర్స్‌ పోటీల్లోనూ పాల్గొనడం ద్వారా ప్రపంచం దృష్టిని ఆకర్షించింది.
2009లో సినిమాల్లో అడుగుపెట్టిన ఈ అమ్మడు వెండి తెరపై మెరిసింది. 'అలాదిన్‌' అనే హిందీ సినిమాలో హీరోయిన్‌గా నటించి మెప్పించింది. దీంతో వరుసగా హిందీ సినిమాల్లో ఆఫర్లు దక్కించుకుంది. హౌస్‌ఫుల్‌ 2తో పాటు ఎన్నో సూపర్‌ హిట్ సినిమాల్లో నటించడం ద్వారా బాలీవుడ్‌లో స్టార్‌ హీరోయిన్స్‌ జాబితాలో నిలిచింది. అదే సమయంలో సోషల్‌ మీడియా ద్వారా ఈ అమ్మడు షేర్ చేసే ఫోటోల కారణంగా దేశ వ్యాప్తంగా నెటిజన్స్‌ దృష్టిని ఆకర్షించి పాపులారిటీని సొంతం చేసుకుంది. దాదాపుగా 71 మిలియన్‌ల ఫాలోవర్స్‌ను కలిగి ఉన్న జాక్వెలిన్ ఫెర్నాండెజ్ మరోసారి తన అందమైన ఫోటోలతో సోషల్‌ మీడియాలో వైరల్‌ అయ్యింది.
ఈసారి జాక్వెలిన్ తన వర్కౌట్‌ ఫోటోలను షేర్ చేసింది. వర్కౌట్‌ చేస్తూ చాలా కష్టపడుతున్న జాక్వెలిన్‌ని ఈ ఫోటోలో చూడవచ్చు. జాక్వెలిన్ ఇంత అందంగా ఉండటానికి ఇంతగా కష్టపడటం కారణం అని కొందరు కామెంట్ చేస్తున్నారు. వర్కౌట్‌ చేస్తూ జాక్వెలిన్ ఎంత అందంగా ఉందో చూడండి అంటూ కొందరు కామెంట్ చేస్తున్నారు. మొత్తానికి జాక్వెలిన్ వర్కౌట్‌ ఫోటోలు ఎప్పటిలాగే వైరల్‌ అవుతున్నాయి. మోడ్రన్‌ డ్రెస్‌లో, సాంప్రదాయ డ్రెస్‌లోనే కాకుండా ఇలా వర్కౌట్‌ డ్రెస్‌లోనూ జాక్వెలిన్ అందం చూపు తిప్పనివ్వడం లేదని ఆమె ఫ్యాన్స్, ఫాలోవర్స్‌ కామెంట్స్ చేస్తున్నారు.
ప్రభాస్‌ హీరోగా నటించిన సాహో సినిమాలో జాక్వెలిన్ బ్యాడ్‌ బాయ్ పాటలో కనిపించింది. జాక్వెలిన్ ఆ పాటలో ప్రభాస్‌కి పోటీగా డాన్స్‌ చేయడంతో పాటు, ఆయన పక్కన సరి జోడీగా నిలిచింది. ఇక కన్నడ మూవీ విక్రాంత్‌ రోనాలోనూ ప్రత్యేక పాటలో నటించడం ద్వారా అందరి దృష్టిని ఆకర్షించింది. ప్రస్తుతం జాక్వెలిన్ చేతిలో మూడు నాలుగు సినిమాలు ఉన్నాయి. వాటిలో రెండు సినిమాలు ఈ ఏడాదిలోనే ప్రేక్షకుల ముందుకు రాబోతున్నాయి. ముఖ్యంగా హౌస్ ఫుల్‌ 5 సినిమాపై అంచనాలు భారీగా ఉన్నాయి. ఇటీవలే ఈమె ఫతేహ్‌ సినిమాతో ప్రేక్షకుల ముందుకు వచ్చిన విషయం తెల్సిందే.