విల‌న్ గానే కాదు నిర్మాత‌గానూ ఎక్క‌డా త‌గ్గేదేలే!
పాన్ ఇండియా స్టార్ య‌శ్ `టాక్సిక్` షూటింగ్ లో పుల్ బిజీగా ఉన్న సంగ‌తి తెలిసిందే. కొన్ని నెల‌లుగా ఆ సినిమా ప‌నుల్లోనే బిజీ బిజీగా ఉన్నాడు. ఈ నేప‌థ్యంలో బాలీవుడ్ రామాయ‌ణంకి డేట్లు కేటాయించ‌డం ఆల‌స్య‌మైంది.
పాన్ ఇండియా స్టార్ య‌శ్ `టాక్సిక్` షూటింగ్ లో పుల్ బిజీగా ఉన్న సంగ‌తి తెలిసిందే. కొన్ని నెల‌లుగా ఆ సినిమా ప‌నుల్లోనే బిజీ బిజీగా ఉన్నాడు. ఈ నేప‌థ్యంలో బాలీవుడ్ రామాయ‌ణంకి డేట్లు కేటాయించ‌డం ఆల‌స్య‌మైంది. య‌శ్ రాక కోసం యూనిట్ ఎంతో ఆస‌క్తిగా ఎదురు చూస్తోంది. ఈ నేప‌థ్యంలో ఆస‌మ‌యం వ‌చ్చేసింది. మార్చి నుంచి య‌శ్ `రామాయ‌ణం` షూటింగ్ లో పాల్గొంటాడు. య‌శ్ ఎంట‌ర్ అవ్వ‌గానే లంక నేప‌థ్యంలో చిత్రీక‌రించాల్సిన స‌న్నివేశాల షూటింగ్ మొదలవుతుంది.
ఇంత వ‌ర‌కూ దర్శ‌కుడు నితీశ్ తివారీ లంక‌ను టచ్ చేయ‌లేదు. ర‌ణ‌బీర్ క‌పూర్, సాయి ప‌ల్ల‌వి స‌హా ఇత‌ర తారా గ‌ణంపై వివిధ సెట్ల‌లో షూటింగ్ నిర్వ‌హిస్తున్నారు త‌ప్ప లంకాధిప‌తి అనుమ‌తి లేకుండా అటుగా వెళ్ల‌డం భా వ్యం కాద‌ని నితిష్ లంక జొలికి వెళ్ల‌లేదు. అయితే మార్చి నుంచి లంక నేప‌థ్యంలో వ‌చ్చే స‌న్నివేశాలు చిత్రీక‌ర‌ణ మొదలవుతుంది. తొలుత య‌శ్ పై కొన్ని సోలో స‌న్నివేశాలు చిత్రీక‌రిస్తార‌ని స‌మాచారం.
దీని కోసం సెట్స్ లోనే కొన్ని ప్ర‌త్యేక‌మైన చిన్నపాటి సెట్లు కూడా నిర్మించారట. వాటిలో య‌శ్ పై సోలో స‌న్నివేశాలు చిత్రీక‌రిస్తార‌ని తెలుస్తోంది. లంకాధిప‌తి రావ‌ణుడి గెట‌ప్ లో య‌శ్ లుక్ ప్రేక్ష‌కుల‌కు కొత్త అనుభూ తినిచ్చేలా ఉంటుందంటున్నారు. రావ‌ణుడి గెట‌ప్ కోసం నితిష్ తివారీ చాలా రిఫ‌రెన్స్ లు తీసుకుని తుదిగా ఓ ఇంట్రెస్టింగ్ గెట‌ప్ ఫైన‌ల్ చేసారుట. సినిమాలో ఆ పాత్ర చాలా బ‌లంగా ఉంటుంద‌ని....రామాయ‌ణంలో రావ‌ణుడి కంటే కూడా శ‌క్తివంత‌గా పాత్ర‌ను రాసిన‌ట్లు వినిపిస్తుంది.
అందుకు ధీటుగానే రాముడి పాత్ర ఉంటుంది. ఈ సినిమాలో య‌శ్ న‌టించ‌డ‌మే కాదు నిర్మాత‌గానూ వ్య‌వ‌హ రిస్తున్న సంగ‌తి తెలిసిందే. తన పారితోషికాన్నే పెట్టుబ‌డిగా పెట్ట‌డంతో పాటు అద‌నంగా మ‌రికొంత బ‌డ్జెట్ ని కేటాయిం చిన‌ట్లు స‌మాచారం. క‌థ‌పై న‌మ్మ‌కంతో య‌శ్ బ‌డ్జెట్ ప‌రంగా ఎక్క‌డా వెన‌క్కి త‌గ్గ‌డం లేద‌ని మేజ‌ర్ వాటా దారుల్లో య‌శ్ కూడా ఒక‌ర‌ని అంటున్నారు. దీనికి సంబంధించి మ‌రింత స‌మాచారం తెలియాల్సి ఉంది.