ప‌వ‌న్ సినిమాలో సుప్రీమ్ న‌టిస్తున్నాడా?!

మావ‌య్య ప‌వ‌న్‌ క‌ళ్యాణ్ సినిమాలో న‌యా సుప్రీమ్ హీరో సాయిధ‌ర‌మ్ తేజ్ న‌టిస్తున్నాడా? ఈ రోజు స‌ర్దార్ గ‌బ్బ‌ర్‌ సింగ్ సెట్ నుంచి బ‌య‌టికొచ్చిన ఫొటోలు చూస్తుంటే అది నిజ‌మే అనిపిస్తోంది. స‌ర్దార్ గ‌బ్బ‌ర్‌సింగ్ సెట్‌ లో ప‌వ‌న్‌ క‌ళ్యాణ్‌ తో పాటు  సాయిధ‌ర‌మ్ తేజ్ కూడా పోలీసు డ్రెస్సులో క‌నిపించాడు. ఇక్క‌డ ఫొటోలో కూడా ఆ విష‌యం స్ప‌ష్టంగా తెలుస్తోంది. దీన్నిబ‌ట్టి ప‌వ‌న్ సినిమాలో మేన‌ల్లుడు కూడా న‌టిస్తున్నాడ‌న్న విష‌యం అర్థ‌మ‌వుతోంది.
 
త‌న మేన‌మామ‌ల సినిమాల్లో న‌టించాల‌నే కోరిక‌ని త‌ర‌చుగా బ‌య‌ట‌పెడుతుంటాడు సాయిధ‌ర‌మ్ తేజ్. చిరంజీవిని అయితే - మీ 150వ సినిమాలో ఒక్క ఫ్రేమ్‌ లో క‌నిపించినా చాలు  మావ‌య్యా... ప్లీజ్ అంటూ సుబ్ర‌మ‌ణ్యం ఫ‌ర్ సేల్ ఆడియో ఫంక్ష‌న్  సాక్షిగా వేడుకొన్నాడు తేజూ. చిరు కూడా స‌రే అన్న‌ట్టుగా త‌లూపాడు. అదే మాట‌ని ప‌వ‌న్ క‌ళ్యాణ్ ద‌గ్గ‌ర కూడా చెప్పాడేమో మ‌రి! ఆయ‌న కూడా వ‌రం ఇచ్చేసిన‌ట్టున్నాడు.  
 
రామ్‌చ‌ర‌ణ్ శ‌నివారం `స‌ర్దార్ గ‌బ్బ‌ర్‌ సింగ్‌` సెట్‌కి వెళ్లి బాబాయ్ ప‌వ‌న్‌ క‌ళ్యాణ్‌ ని ప‌ల‌క‌రించి వ‌చ్చాడు. అబ్బాయ్ వ‌చ్చాడ‌ని ప‌వ‌న్ బొకే తెప్పించి బ్రూస్‌ లీ కోసం కంగ్రాట్స్ కూడా చెప్పాడు. అక్క‌డే సాయిధ‌ర‌మ్‌ తేజ్ కూడా ద‌ర్శ‌న‌మిచ్చాడు. ఒక‌వేళ అక్క‌డికి చ‌ర‌ణ్‌ తో పాటు వెళ్లాడే అనుకొంటే సాయిధ‌ర‌మ్ తేజ్ మామూలు డ్రెస్సులోనే వెళతాడు. కానీ పోలీసు డ్రెస్సు వేశాడు. దీన్నిబ‌ట్టి ప‌వ‌న్ సినిమాలో సాయిధ‌ర‌మ్ తేజ్ న‌టిస్తున్న విష‌యం ఖరారైపోయింది.