థియేటర్లలో డిజాస్టర్లయిన చాలా సినిమాలు యూట్యూబ్ లో బ్లాక్ బస్టర్లు అయిపోతున్నాయి. ప్రభాస్ కెరీర్లోనే అతి పెద్ద డిజాస్టర్లలో ఒకటిగా నిలిచిన ‘రెబల్’కు యూట్యూబ్ లో కోట్లల్లో వ్యూస్ వచ్చాయి. ఇంకా చాలా ఫ్లాప్ సినిమాలు యూట్యూబ్ లో భారీ వ్యూస్ తెచ్చుకుంటున్నాయి. ఇదంతా తెలుగు ప్రేక్షకుల క్రెడిట్ కాదు. ఈ సినిమాల్ని హిందీలోకి డబ్ చేసి రిలీజ్ చేస్తుంటే.. ఉత్తరాది ప్రేక్షకులు విరగబడి చూసేస్తున్నారు. అల్లు అర్జున్ సినిమాలు ‘సరైనోడు’.. ‘దువ్వాడ జగన్నాథం’ ఇప్పటికే యూట్యూబ్ లో ప్రకంపనలు రేపుతున్న సంగతి తెలిసిందే. తాజాగా సాయిధరమ్ తేజ్ ‘జవాన్’ సినిమా యూట్యూబ్ లో జోరు చూపిస్తోంది. ఈ చిత్ర హిందీ వెర్షన్ ను ‘జవాన్’ పేరుతోనే రెండు రోజుల కిందటే యూట్యూబ్ లో రిలీజ్ చేశారు.
48 గంటల్లోనే ‘జవాన్’ వ్యూస్ కోటికి చేరిపోవడం విశేషం. బన్నీ అయినా పెద్ద స్టార్.. ఉత్తరాదిన కూడా అతడికి మంచి ఫాలోయింగ్ ఉంది కాబట్టి అతడి సినిమాలకు భారీ వ్యూస్ రావడాన్ని అర్థం చేసుకోవచ్చు. ఐతే తేజు చిత్రానికి కూడా ఇంత త్వరగా కోటి వ్యూస్ రావడం ఆశ్చర్యం కలిగించే విషయం. గత డిసెంబర్లో రిలీజైన ‘జవాన్’ ఓ మోస్తరు టాక్ తెచ్చుకున్నప్పటికీ డిజాస్టరే అయింది. దిల్ రాజు హ్యాండ్ పడ్డా కూడా ఈ సినిమా రాత మారలేదు. హ్యాట్రిక్ ఫ్లాపు తర్వాత ఈ చిత్రంపై ఎన్నో ఆశలు పెట్టుకున్న తేజుకు తీవ్ర నిరాశ తప్పలేదు. ఇప్పుడతను ఫ్లాపుల్లో డబుల్ హ్యాట్రిక్ కొట్టి అయోమయ స్థితిలో ఉన్నాడు. ‘జవాన్’ జోరు చూసి ‘ఇంటిలిజెంట్’.. ‘తేజ్ ఐ లవ్యూ’ లాంటి డిజాస్టర్లను కూడా డబ్ చేసి యూట్యూబ్ లో రిలీజ్ చేస్తారేమో చూడాలి.
48 గంటల్లోనే ‘జవాన్’ వ్యూస్ కోటికి చేరిపోవడం విశేషం. బన్నీ అయినా పెద్ద స్టార్.. ఉత్తరాదిన కూడా అతడికి మంచి ఫాలోయింగ్ ఉంది కాబట్టి అతడి సినిమాలకు భారీ వ్యూస్ రావడాన్ని అర్థం చేసుకోవచ్చు. ఐతే తేజు చిత్రానికి కూడా ఇంత త్వరగా కోటి వ్యూస్ రావడం ఆశ్చర్యం కలిగించే విషయం. గత డిసెంబర్లో రిలీజైన ‘జవాన్’ ఓ మోస్తరు టాక్ తెచ్చుకున్నప్పటికీ డిజాస్టరే అయింది. దిల్ రాజు హ్యాండ్ పడ్డా కూడా ఈ సినిమా రాత మారలేదు. హ్యాట్రిక్ ఫ్లాపు తర్వాత ఈ చిత్రంపై ఎన్నో ఆశలు పెట్టుకున్న తేజుకు తీవ్ర నిరాశ తప్పలేదు. ఇప్పుడతను ఫ్లాపుల్లో డబుల్ హ్యాట్రిక్ కొట్టి అయోమయ స్థితిలో ఉన్నాడు. ‘జవాన్’ జోరు చూసి ‘ఇంటిలిజెంట్’.. ‘తేజ్ ఐ లవ్యూ’ లాంటి డిజాస్టర్లను కూడా డబ్ చేసి యూట్యూబ్ లో రిలీజ్ చేస్తారేమో చూడాలి.