చారెడేసి క‌ళ్ల‌తో ఈ పాపాయి ఎవ‌రో తెలుసా?

మెమ‌రీ లేన్ లోంచి బాల్యంలోని జ్ఞాప‌కాల్ని షేర్ చేసుకోవ‌డం ప్ర‌స్తుత ట్రెండ్. చాలామంది తార‌ల‌ చిన్న‌నాటి ఫోటోలు అంత‌ర్జాలంలో వైర‌ల్ గా మారుతోన్న సంగ‌తి తెలిసిందే. రెండుమూడేళ్ల బాల‌కులుగా చిన్నారులుగా ఉన్న‌ప్ప‌టి ఫోటోల్ని సోష‌ల్ మీడియాలో ఏదో రూపంలో బ‌య‌ట‌కు తెచ్చి..ఇప్పుడు పెద్ద స్టార్ అయ్యారు! అంటూ గుర్తు చేస్తుంటే అది ఎంతో ఎగ్జ‌యిట్ చేస్తోంది అభిమానుల్ని.

ఆ పాపాయి ఎవ‌రో క‌నిపెట్టండి! అంటూ ఫ‌జిల్ ఇచ్చి చివ‌రికి స‌మాధానం కూడా ఇస్తున్నారు. గ‌త రెండు..మూడు నెల‌లుగా సోష‌ల్ మీడియాలో ఇదే వ్య‌వ‌హారం య‌మా స్పీడ్ గా సాగుతోంది. ఇప్ప‌టికే ఈ ర‌కంగా స్వీటీ అనుష్క బాల్యం నాటి ఫోటోలు వైర‌ల్ అయ్యాయి. అంత‌కు ముందు హ‌న్సిక‌..ఆ త‌ర్వాత అంజ‌లి.. స‌మంత తో పాటు ప‌లువురు హీరోయిన్లు..హీరోల బాల్యం నాటి ఫోటోలు వైర‌ల్ అయిన సంగ‌తి తెలిసిందే.

తాజాగా మ‌రో స్టార్ హీరోయిన్ బాల్యం నాటి ఫోటో వైరల్ అవుతోంది. చార‌డేసి క‌ళ్లు..అంద‌మైన చిరున‌వ్వుతో చూప‌రుల‌ను ఆక‌ట్టుకుంటోంది ఈ క్యూట్ గాళ్. మ‌రి రెండు..మూడేళ్ల వ‌య‌సున్నఈ పాపాయి ఎవ‌రో తెలుసా? మ‌రెవ‌రో కాదు. టాలీవుడ్ లో ఫేమస్ హీరోయిన్ గా డ్యాన్సింగ్ క్వీన్ గా వెలిగిపోతున్న సాయిప‌ల్ల‌వి.

ఆమె బాల్యంలో ఎంత అందంగా ఉండేదో! ఇలా ఇన్ స్టా వేదిక‌గా ఫోటోని అభిమానుల‌కు పంచుకుని మురిసిపోతుంది. ప్ర‌స్తుతం ఈ ఫోటో అభిమానుల్లో వైర‌ల్ గా మారింది. సాయి ప‌ల్ల‌వి ప్రేమ‌మ్ సినిమాతో తెలుగు ప్రేక్ష‌కుల‌కు ప‌రిచ‌య‌మైన సంగ‌తి తెలిసిందే. ఫిదా - ల‌వ్ స్టోరి లాంటి బ్లాక్ బ‌స్ట‌ర్ల‌లోనూ న‌టించింది.

ఇటీవ‌ల‌ వ‌రుస‌గా స‌క్సెస్ లు అందుకుంటూ అగ్ర నాయిక‌గా ఎదిగింది. ప్ర‌స్తుతం తెలుగు..త‌మిళ్ లోబి జీ హీరోయిన్ల‌లో సాయి ప‌ల్ల‌వి ఒక‌రు. ఇటీవ‌లే శేఖ‌ర్ క‌మ్ములా ద‌ర్శ‌క‌త్వం వ‌హించిన `ల‌వ్ స్టోరీ`తో మ‌రో మ‌రపు రాని స‌క్సెస్ ని ఖాతాలో వేసుకుంది. ప్ర‌స్తుతం నేచుర‌ల్ స్టార్ నాని స‌ర‌స‌న `శ్యామ్ సింగ‌రాయ్` లో న‌టిస్తోంది. అలాగే మ‌రికొన్ని కొత్త ప్రాజెక్ట్ లు చేతిలో ఉన్నాయి.