'నీది నాది ఒకే కథ' చిత్రంతో టాలీవుడ్ ఇండస్ట్రీలో తనకంటూ ఒక గుర్తింపు తెచ్చుకున్న యంగ్ డైరెక్టర్ వేణు ఊడుగుల. చిన్న సినిమాగా విడుదలైన ఈ చిత్రం సూపర్ డూపర్ హిట్ సాధించింది. ఈ సినిమాతో ఒక్కసారిగా ఇండస్ట్రీ మొత్తం తనవైపు చూసేలా చేసుకున్నాడు వేణు ఊడుగుల. ప్రస్తుతం వేణు దగ్గుబాటి రానా - సాయి పల్లవి లను హీరోహీరోయిన్లుగా పెట్టి 'విరాట పర్వం' అనే సినిమా తెరకెక్కిస్తున్నాడు. ఈ సినిమా షూటింగ్‌ ఇప్పటికే దాదాపు పూర్తయింది. కాగా ఇటీవల ఒక ఇంటర్వ్యూలో వేణు ఊడుగుల 'విరాట పర్వం' సినిమా గురించి పలు ఆసక్తికర విషయాలను ఆయన పంచుకున్నారు. ఈ సందర్భంగా హీరోయిన్ సాయి పల్లవి గురించి మాట్లాడుతూ.. ''ప్రేమమ్‌ సినిమాలో సాయి పల్లవి నటన నాకు బాగా నచ్చింది. ఫస్ట్ సినిమా సమయంలోనే నేను ఆమెను సంప్రదించాను. కానీ ఆమె బిజీగా ఉండటం వలన అప్పుడు కుదరలేదు. ‘విరాట పర్వం’లో హీరోయిన్ పాత్రకు సాయి పల్లవి అయితేనే న్యాయం చేయగలదని నేను భావించాను. హీరోయిన్ పాత్రను రాసుకున్నప్పుడే సాయి పల్లవిని తీసుకోవాలని ఫిక్స్ అయ్యాను. దీంతో ఆమెను కలిసి కథ వినిపించాను. వెంటనే ఇందులో నటించేందుకు సాయి పల్లవి ఒప్పుకుంది. ఈ సినిమాలో ఆమె అద్భుతంగా నటించింది. 'విరాట పర్వం' సినిమాకు సాయి పల్లవి ప్లస్ అవుతుంది'' అని చెప్పుకొచ్చారు.
ఇదిలా ఉండగా రెండు దశబ్ధాల కిందట అంటే 1990ల నాటి సామాజిక పరిస్థితుల ఆధారంగా ఈ మూవీ రూపొందుతోంది. మన పక్కింట్లో అమ్మాయిలా తన నటనతో తెలుగు సినిమా ప్రేక్షకుల మదిలో చెరగని ముద్రవేసుకున్న సాయి పల్లవి ఈ సినిమాలో జానపద గాయకురాలిగా పాటలు పాడుతూ ఊహించని పరిస్థితుల నేపథ్యంలో నక్సల్ ఉద్యమంలో చేరే ఒక గ్రామీణ యువతిగా కనిపించబోతోందట. ఇప్పటికే ఈ సినిమా నుండి విడుదలైన ఆమె ఫస్ట్ లుక్ ఆకట్టుకుంది. ఈ సినిమాలో ప్రియమణి, నందితా దాస్‌, జరీనా వాహిబ్‌, ఈశ్వరీ రావు తదితరులు కీలక పాత్రల్లో నటిస్తున్నారు. 'విరాట పర్వం' చిత్రాన్ని సురేష్ ప్రొడక్షన్స్ పై సురేష్ బాబు - సుధాకర్ చెరుకూరి సంయుక్తంగా నిర్మిస్తున్నారు. 'నీది నాది ఒకే కథ' చిత్రానికి అద్భుతమైన సంగీతాన్ని అందించిన సురేష్ బొబ్బిలి ఈ సినిమాకి మ్యూజిక్ అందించారు. షూటింగులు స్టార్ట్ అయిన వెంటనే మిగతా భాగం చిత్రీకరణ పూర్తి చేయనున్నారు.
ఇదిలా ఉండగా రెండు దశబ్ధాల కిందట అంటే 1990ల నాటి సామాజిక పరిస్థితుల ఆధారంగా ఈ మూవీ రూపొందుతోంది. మన పక్కింట్లో అమ్మాయిలా తన నటనతో తెలుగు సినిమా ప్రేక్షకుల మదిలో చెరగని ముద్రవేసుకున్న సాయి పల్లవి ఈ సినిమాలో జానపద గాయకురాలిగా పాటలు పాడుతూ ఊహించని పరిస్థితుల నేపథ్యంలో నక్సల్ ఉద్యమంలో చేరే ఒక గ్రామీణ యువతిగా కనిపించబోతోందట. ఇప్పటికే ఈ సినిమా నుండి విడుదలైన ఆమె ఫస్ట్ లుక్ ఆకట్టుకుంది. ఈ సినిమాలో ప్రియమణి, నందితా దాస్‌, జరీనా వాహిబ్‌, ఈశ్వరీ రావు తదితరులు కీలక పాత్రల్లో నటిస్తున్నారు. 'విరాట పర్వం' చిత్రాన్ని సురేష్ ప్రొడక్షన్స్ పై సురేష్ బాబు - సుధాకర్ చెరుకూరి సంయుక్తంగా నిర్మిస్తున్నారు. 'నీది నాది ఒకే కథ' చిత్రానికి అద్భుతమైన సంగీతాన్ని అందించిన సురేష్ బొబ్బిలి ఈ సినిమాకి మ్యూజిక్ అందించారు. షూటింగులు స్టార్ట్ అయిన వెంటనే మిగతా భాగం చిత్రీకరణ పూర్తి చేయనున్నారు.