గర్ల్ ఫ్రెండ్ తో లైవ్ చాట్ చేసిన కండల వీరుడు..

దేశవ్యాప్తంగా లాక్ డౌన్ కొనసాగుతున్న నేపథ్యంలో బాలీవుడ్ స్టార్ హీరో సల్మాన్ ఖాన్ తన కుటుంబ సభ్యులతో కలసి తన పాన్వెల్ ఫామ్ హౌస్ లో లాక్ డౌన్ సమయాన్ని సరదాగా గడుపుతున్నాడు. ఈ క్రమంలో సల్మాన్ తన ఫామ్ హౌస్ లో డైలీ ఆక్టివిటీస్ ఫోటోలను, వీడియోను సోషల్ మీడియాలో షేర్ చేసాడు. ఎల్లప్పుడూ తన అభిమానులకు అందుబాటులో ఉండే సల్లు భాయ్ మరోసారి ఈరోజు వార్తల్లో నిలిచాడు.

స‌ల్మాన్ భాయ్ గ‌ర్ల్ ఫ్రెండ్ లులియా వాంటూర్ ఆన్ లైన్ ఛాట్ లో పాల్గొంటుందట. లైవ్ చాట్ న‌డుస్తోండ‌గా ఒక్కసారిగా స‌ల్మాన్ ఏం జ‌రుగుతుంది అన్న‌ట్లుగా వెన‌క నుంచి వ‌చ్చాడట. స‌ల్మాన్ స‌డెన్ ఎంట్రీ ఇవ్వడంతో లులియా మొహం కాస్త ఇబ్బందిగా పెట్టి.. ఆ త‌ర్వాత స‌ల్మాన్ చేష్ట‌ల‌కు ఓ చిలిపిన‌వ్వు న‌వ్విందట. అంతే చాలా కాలం త‌ర్వాత స‌ల్మాన్, లులియా ఇలా ఫ‌న్నీగా ఒక్క‌చోట క‌నిపించి సంద‌డి చేస్త‌న్న వీడియో సోష‌ల్ మీడియాలో చ‌క్క‌ర్లు కొడుతోంది.

ఈ వీడియోని స‌ల్మాన్ త‌న ఇన్‌స్టాగ్రామ్‌లో షేర్ చేయ‌డంతో ఫ్యాన్స్ కామెంట్ల వ‌ర్షం కురిపించారు. సల్లు భాయ్ ప్రస్తుతం ప్రభుదేవా దర్శకత్వంలో 'రాధే' అనే సినిమాలో నటిస్తున్నారు. రీసెంట్ గా వీరిద్దరి కాంబినేషన్ లో రూపొందిన 'దబాంగ్ 3' బాక్స్ ఆఫీస్ వద్ద బోల్తా కొట్టడంతో 'రాధే' పై ఆశలు పెట్టుకున్నాడట సల్మాన్. కరోనా లాక్ డౌన్ ముగిస్తే షూటింగ్ ముందుకు సాగిద్దామని చూస్తున్నారట.