ఫోటో స్టోరి: సద్గురు చెంత శివుని సేవ‌లో స‌మంత‌ అండ్ కో

మహాశివరాత్రి సంద‌ర్భంగా టాలీవుడ్ లో పలువురు నటీన‌టులు అగ్ర క‌థానాయిక‌లు భ‌క్తిశ్ర‌ద్ధ‌ల‌తో శివుని సేవించిన ఫోటోలు ప్ర‌స్తుతం అంత‌ర్జాలంలో వైర‌ల్ గా మారుతున్నాయి. రేయంతా జాగారం చేసి ఉప‌వాస ధీక్ష‌ల‌తో ఈ ఉత్సవాలను ఎలా జరుపుకుంటున్నారో అభిమానుల‌తో పంచుకుంటున్నారు.

స‌మంతా అక్కినేని తన స్నేహితులు తోటి తారలు రకుల్ ప్రీత్ సింగ్- లక్ష్మి మంచు - డిజైన‌ర్ శిల్పా రెడ్డిలతో కలిసి ఈ ప్ర‌త్యేక‌ వేడుకల్లో పాల్గొనడానికి కోయంబత్తూరులోని సద్గురు యోగా కేంద్రానికి వెళ్లారు. యోగాశ్ర‌మంలోని ప‌ర‌మ‌శివుని పూజించారు. ధీక్షల అనంత‌రం శివుని విగ్రహం ముందు ఇలా పోటోల‌కు ఫోజులిచ్చారు. ఎంతో సాంప్ర‌దాయ‌బ‌ద్ధంగా ఉత్సాహంగా ఉల్లాసంగా క‌నిపించారు ఈ గాళ్స్ గ్యాంగ్. ప్ర‌స్తుతం ఈ ఫోటో అక్కినేని అభిమానుల్లో వైర‌ల్ గా మారింది.

స‌మంత నటించిన ఫ్యామిలీ మ్యాన్ సీజ‌న్ 2 స్ట్రీమింగుకి రెడీ అవుతోంది. అలాగే గుణ‌శేఖ‌ర్ ద‌ర్శ‌క‌త్వంలో శాకుంత‌లం రెగ్యుల‌ర్ చిత్రీక‌ర‌ణ‌కు సామ్ అండ్ టీమ్ రెడీ అవుతోంది. త‌దుప‌రి ప్ర‌శాంత్ వ‌ర్మ ద‌ర్శ‌క‌త్వంలో జాంబీ మూవీలో స‌మంత‌ న‌టిస్తార‌ని ఊహాగానాలు సాగుతున్నాయి. దీనికి సంబంధించి ప్ర‌శాంత్ స్వ‌యంగా వివ‌రాలు వెల్ల‌డించాల్సి ఉంటుంది. న‌య‌న్ - సేతుప‌తిల‌తో క‌లిసి ఓ త‌మిళ చిత్రంలోనూ సామ్ న‌టిస్తోంది. మాయ ఫేం శ‌క్తి శ‌ర‌వ‌ణ‌న్ తోనూ సినిమా చేయాల్సి ఉంది. మ‌రోవైపురకుల్ ప్రీత్ సింగ్ వ‌రుస సినిమాల‌తో బాలీవుడ్ లో బిజీ బిజీ. మేడే- థాంక్ గాడ్- ఎటాక్ చిత్రాల‌తో పాటు  ఇంకా టైటిల్ నిర్ణ‌యించ‌ని చిత్రంలోనూ ర‌కుల్ న‌టిస్తోంది.