రంగ‌స్థ‌లం సినిమా రికార్డుల‌నే కాదు ప్రేక్ష‌కుల హృద‌యాల‌ను కూడా గెలుచుకుంది. అందులో పాట‌ల గురించి ఎంత చెప్పినా త‌క్కువే. సినిమా క‌న్నా ముందే ఆడియో బంప‌ర్ హిట్ కొట్టింది. ఎంత స‌క్క‌గున్నావే క్లాస్ గా వినిపిస్తే రంగ‌మ్మ మంగ‌మ్మ పాట మాస్ అభిమానుల‌కే కాదు అందరికీ గిలిగింత‌లు పెట్టింది. ఆ పాట‌లో స‌మంత ప‌లికించిన హావ‌భావాలు వాహ్వా అనిపించాయి. ఇప్పుడు స‌మంత‌నే చంపేసేలా ఓ చిన్నారి రంగ‌మ్మ మంగ‌మ్మ పాట‌కు డ్యాన్సు చేసింది.
రంగ‌మ్మ మంగ‌మ్మ పాట‌కు ఇప్ప‌టికే బోలెడు మంది డ్యాన్సులేసి యూట్యూబ్‌ లో పెట్టారు. ఇప్పుడు మ‌రో చిట్టి చిన్నారి... మ‌హా అయి5తే నాలుగేళ్లు ఉంటాయేమో ఎంచ‌క్కా లంగావోణీ వేసుకుని పెద్ద జ‌డ‌తో పాపిట చైనుతో ముద్దుగా త‌యారైంది. రంగ‌మ్మ మంగ‌మ్మ పాట‌కి స‌మంత‌ను మించిన పోయిన హావ‌భావాల‌తో డ్యాన్సు వేసింది. ఆ వీడియోను శ్రీధ‌ర్ అనే అభిమాని రామ‌ల‌క్ష్మి పాత్ర అంద‌రి హృద‌యాల్లో నిలిచిపోతుంది అని చెప్ప‌డానికి ఈ వీడియోనే ఉదాహ‌ర‌ణ అని చెప్పి స‌మంత‌కు ట్వీట్ చేశాడు. ఆ చిట్టి రామ‌ల‌క్ష్మి డ్యాన్సు చూసి స‌మంత కూడా ఫిదా అయిపోయింది.
ఆ వీడియోకు చ‌చ్చిపోతున్నా అని ట్వీట్ చేసింది. ఆ వీడియోను చూసిన రంగ‌మ్మ‌త్త అలియాస్ అన‌సూయ కూడా ఇంత క్యూట్ గా ఉండ‌డం నేరం అని రీట్వీట్ చేసింది. ఆ పాప డ్యాన్సు చూస్తే సామ్ అన‌సూయే కాదు ఎవ‌రైనా ఫిదా అవ్వాల్సిందే. స‌మంత‌కు త‌న కెరీర్‌లో మ‌ర్చిపోలేని పాత్ర‌గా రామ‌ల‌క్ష్మి మిగిలిపోవ‌డం ఖాయం.