మోషన్ పోస్టర్ తో మొదలుపెట్టి.. హీరోల ఫస్ట్ లుక్ పోస్టర్ల వరకు ‘శమంతకమణి’ సినిమాకు సంబంధించి ప్రతి విశేషం ప్రేక్షకుల్లో క్యూరియాసిటీ పెంచుతూనే ఉంది. ఇప్పుడు తాజాగా ప్రేక్షకుల ముందుకొచ్చిన టీజర్ సైతం అదే క్యూరియాసిటీని మెయింటైన్ చేసేలా ఉంది. చాలా సరదాగా సాగే థ్రిల్లర్ లక్షణాలున్న సినిమాలా కనిపిస్తోంది ‘శమంతకమణి’. ఈ సినిమా మొత్తం ‘శమంతకమణి’ చుట్టూనే తిరుగుతుందని టీజర్ చూస్తే అర్థమవుతుంది. ఐతే ఆ శమంతకమణి అంటే ఏంటన్నది హింట్ ఇవ్వలేదు. ఐతే మోషన్ పోస్టర్ ఇచ్చిన హింట్ ప్రకారం పాత కాలం నాటి ఓ వింటేజ్ కారే ఈ శమంతకమణి అనుకోవాలి.
‘‘ఆ మెకానిక్ కాదు.. ఆ ఊరోడు కాదు.. ఆ తాగుబోతోడు కాదు.. వాడి కొడుకు అంతకన్నా కాదు’’.. అన్న డైలాగ్ తో మొదలవుతుంది ‘శమంతకమణి’ టీజర్. తర్వాత ‘‘ఈ శమంతకమణేంట్రా నాతో ఆడుకుంటోంది’’ అంటాడు నారా రోహిత్. బహుశా తప్పిపోయిన ‘శమంతకమణి’ కారును వెతికి తేవాల్సిన బాధ్యత పోలీస్ అయిన నారా రోహిత్ తీసుకుని.. దాన్ని వెతికి తేవడానికి తంటాలు పడతాడేమో. నారా రోహిత్ తర్వాత సుధీర్ బాబు కండలు తిరిగిన బాడీతో కనిపించాడు. ఆపై బైకు మీద ఆది.. చాలా మామూలు కుర్రాడిలా సందీప్ తెరమీదికి వచ్చారు. చివర్లో రాజేంద్ర ప్రసాద్ ఈ టీజర్ కు తనదైన ఫినిషింగ్ టచ్ ఇచ్చారు. ఆయన ‘‘శమంతకమణా.. ఆ అమ్మాయి ఎవరు సార్’’ అనగానే చెంపచెల్లుమంటుంది. టీజర్ కు మణిశర్మ బ్యాగ్రౌండ్ స్కోర్ ప్రత్యేక ఆకర్షణ. విజువల్స్ కూడా బాగున్నాయి. మొత్తంగా ‘శమంతకమణి’ టీజర్ ఫన్నీగా.. ఇంట్రెస్టింగ్ గా ఉండి.. సినిమా మీద అంచనాలు పెంచేలాగే ఉంది. ‘భలే మంచి రోజు’ ఫేమ్ శ్రీరామ్ ఆదిత్య రూపొందిస్తున్న ఈ చిత్రానికి ‘భవ్య క్రియేషన్స్’ ఆనంద్ ప్రసాద్ నిర్మాత.
Full View
‘‘ఆ మెకానిక్ కాదు.. ఆ ఊరోడు కాదు.. ఆ తాగుబోతోడు కాదు.. వాడి కొడుకు అంతకన్నా కాదు’’.. అన్న డైలాగ్ తో మొదలవుతుంది ‘శమంతకమణి’ టీజర్. తర్వాత ‘‘ఈ శమంతకమణేంట్రా నాతో ఆడుకుంటోంది’’ అంటాడు నారా రోహిత్. బహుశా తప్పిపోయిన ‘శమంతకమణి’ కారును వెతికి తేవాల్సిన బాధ్యత పోలీస్ అయిన నారా రోహిత్ తీసుకుని.. దాన్ని వెతికి తేవడానికి తంటాలు పడతాడేమో. నారా రోహిత్ తర్వాత సుధీర్ బాబు కండలు తిరిగిన బాడీతో కనిపించాడు. ఆపై బైకు మీద ఆది.. చాలా మామూలు కుర్రాడిలా సందీప్ తెరమీదికి వచ్చారు. చివర్లో రాజేంద్ర ప్రసాద్ ఈ టీజర్ కు తనదైన ఫినిషింగ్ టచ్ ఇచ్చారు. ఆయన ‘‘శమంతకమణా.. ఆ అమ్మాయి ఎవరు సార్’’ అనగానే చెంపచెల్లుమంటుంది. టీజర్ కు మణిశర్మ బ్యాగ్రౌండ్ స్కోర్ ప్రత్యేక ఆకర్షణ. విజువల్స్ కూడా బాగున్నాయి. మొత్తంగా ‘శమంతకమణి’ టీజర్ ఫన్నీగా.. ఇంట్రెస్టింగ్ గా ఉండి.. సినిమా మీద అంచనాలు పెంచేలాగే ఉంది. ‘భలే మంచి రోజు’ ఫేమ్ శ్రీరామ్ ఆదిత్య రూపొందిస్తున్న ఈ చిత్రానికి ‘భవ్య క్రియేషన్స్’ ఆనంద్ ప్రసాద్ నిర్మాత.