రకుల్ ఛాలెంజ్‌ వీడియోను ఆ హీరో ఎందుకు డిలీట్ చేసాడు...?

కరోనా వైరస్ కారణంగా దేశం మొత్తం ఇళ్లలో బందీ అయ్యిందని చెప్పవచ్చు. లాక్ డౌన్ తో ఇంటికే ప‌రిమిత‌మైన సెలెబ్రెటీస్.. బోర్ కొడుతుండ‌డంతో సోష‌ల్ మీడియాలో ర‌క‌రకాల ఛాలెంజెస్ పేరుతో స‌ర‌దాగా టైమ్ పాస్ చేస్తున్నారు. తాజాగా టాలీవుడ్ హీరోయిన్ ర‌కుల్ ప్రీత్ సింగ్ టీ షర్ట్‌ చాలెంజ్‌ను తీసుకొచ్చింది. త‌ల‌కిందులుగా నిల్చుని.. టీష‌ర్ట్ వేసుకుంటూ.. మీరూ ట్రై చేయండంటూ త‌న ఇన్స్టాగ్రామ్ లో వీడియో పోస్ట్ చేసింది. రెగ్యుల‌ర్ గా టీష‌ర్ట్ తొడుక్కోవ‌డం బోర్ గా ఉంద‌ని చెబుతూ క్యాప్ష‌న్ పెట్టింది.ఈ వీడియో సోషల్ మీడియాలో వైరల్ అయింది.

అయితే ఇప్పుడు సందీప్ కిషన్ కూడా ఈ ఛాలెంజ్ లో పార్టిసిపేట్ చేసాడు. సందీప్ కూడా తల క్రిందులుగా నిల్చొని సింగల్ హ్యాండ్ తో టీ షర్ట్ వేసుకుంటూ సోషల్ మీడియాలో వీడియో పోస్ట్ చేసాడు. అయితే కారణం ఏంటో తెలియదు కానీ ఈ పోస్ట్ చేసిన కొద్దీ సేపటికే సందీప్ కిషన్ ఆ వీడియో డిలీట్ చేసాడు. ఇండస్ట్రీలో రకుల్ ప్రీత్ సింగ్ - సందీప్ కిషన్ బెస్ట్ ఫ్రెండ్స్ అని అందరికి తెలిసిందే. సందీప్ కిషన్ హీరోగా నటించిన 'వేంకటాద్రి ఎక్సప్రెస్' చిత్రం ద్వారానే మంచి గుర్తింపు తెచ్చుకుంది. ఈ ఛాలెంజ్ వీడియోలో సందీప్ కిషన్ రకుల్ అంత పర్ఫెక్ట్ గా చేయలేకపోయాడనే చెప్పవచ్చు. అందుకే ఈ వీడియో పోస్ట్ చేసిన వెంటనే అందుకే డిలీట్ చేసి ఉంటాడని నెటిజన్లు అభిప్రాయ పడుతున్నారు.

ఇక రకుల్ విషయానికొస్తే F - 45 పేరుతో జిమ్ మొదలుపెట్టి బిజినెస్ ఉమెన్ అయిపోయింది. ఓ వైపు జిమ్.. మరోవైపు జిమ్ బిజినెస్ చేస్తూ బిజీగా ఉంది రకుల్. లాక్ డౌన్ కావడంతో ఇంట్లోనే జిమ్ చేస్తుంది ఈ ముద్దుగుమ్మ. అందులోనే ఇలాంటి విన్యాసాలు కూడా చేస్తుంది. తల కిందులుగా ఉండి టీ షర్ట్ వేసుకుంటున్న వీడియోను ఇన్‌స్టాలో పోస్ట్ చేసింది రకుల్. ఫిట్ నెస్ మంత్రతో సోషల్ మీడియాలో హల్ చల్ చేస్తుంది. డైలీ తన వర్క్ అవుట్ వీడియోలను సోషల్ మీడియాలో పోస్ట్ చేస్తూ అభిమానులను మోటివేట్ చేస్తూ ఉంటుంది.