అల్లు అర్జున్ రేంజి ఎంత పెరిగిందంటే..

చూస్తుండగానే ఇంతింతై అన్నట్లు ఎదిగిపోయాడు స్టైలిష్ స్టార్ అల్లు అర్జున్. ఫేస్ బుక్ లో కోటి మంది ఫాలోయర్లను సంపాదించుకోవడం అంటే చిన్న విషయం కాదు. ఇక కలెక్షన్ల పరంగా కూడా మోత మోగించేస్తున్నాడు. టాలీవుడ్లో వరుసగా మూడు యాభై కోట్ల షేర్ సినిమాలు అందించిన ఏకైక హీరో కూడా అతనే. బన్నీ కొత్త సినిమా ‘సరైనోడు’ మీద కూడా అంచనాలు భారీగానే ఉన్నాయి. ఆ సినిమా మీద జనాల్లో ఎంత ఆసక్తి ఉందో చెప్పడానికి మొన్న రిలీజైన ఫస్ట్ లుక్ టీజర్ కు వస్తున్న రెస్పాన్సే నిదర్శనం.

‘ఎర్ర తోలు కదా స్టైల్ గా ఉంటాడనుకున్నావేమో.. మాస్.. ఊర మాస్’ అన్న డైలాగ్ తో తన అభిమానుల్ని మెస్మరైజ్ చేశాడు బన్నీ. ఈ టీజర్ కు యూట్యూబ్ లో అద్భుతమైన రెస్పాన్స్ వస్తోంది. కేవలం 34 గంటల్లోనే ‘సరైనోడు’ టీజర్ మిలియన్ (పది లక్షలు) వ్యూస్ అందుకోవడం విశేషం. ఈ విషయంలో పాత రికార్డులేమీ బద్దలైపోకున్నప్పటికీ.. బన్నీకి ఏ స్థాయిలో క్రేజ్ ఉందో చెప్పే ఫిగర్ ఇది. అల్లు అర్జున్ స్టయిల్ కి బోయపాటి పవర్ తోడవడంతో ‘సరైనోడు’ మీద జనాల్లో పిచ్చ క్రేజ్ ఉంది. బన్నీ లుక్ మార్చేసి తనదైన స్టయిల్లో మమ..మాస్ హీరోగా ప్రెజెంట్ చేస్తున్నాడు బోయపాటి. ఏప్రిల్ నెలాఖర్లో ఈ చిత్రం ప్రేక్షకుల ముందుకొచ్చే అవకావాలున్నాయి.